سۋرەت: assembly.kz
قازاقستان حالقى اسسامبلەياسى مەن ۇلتتىق قۇرىلتايدىڭ تاريحي ميسسيالارىنىڭ تابىستى جۇزەگە اسقانىن اتاپ ءوتۋ – ولاردىڭ ەل بىرلىگى مەن قوعامدىق كەلىسىمدى نىعايتۋداعى ولشەۋسىز ۇلەسىن ءادىل باعالاۋ. بۇل ينستيتۋتتار ءوز كەزەڭىندە ماڭىزدى ءرول اتقارىپ, قوعامدىق ديالوگتىڭ بەرىك نەگىزىن قالىپتاستىردى.
وسى ساباقتاستىقتى ساقتاي وتىرىپ, قازاقستاننىڭ حالىق كەڭەسىن قۇرۋ يدەياسى ستراتەگيالىق تۇرعىدان وتە ورىندى. جاڭا ورگان اسسامبلەيا مەن ۇلتتىق قۇرىلتايدىڭ تاجىريبەسىن بىرىكتىرە وتىرىپ, ەتنوستاردىڭ, الەۋمەتتىك توپتاردىڭ, وڭىرلەردىڭ مۇددەسىن جۇيەلى تۇردە بىلدىرەتىن جوعارى كونسۋلتاتيۆتىك الاڭعا اينالادى دەپ سەنەمىن.
كەڭەس قۇرامىنىڭ تەڭگەرىمدى تۇردە قالىپتاستىرىلۋى, وڭىرلەر مەن ازاماتتىق قوعام ينستيتۋتتارىنىڭ كەڭىنەن قامتىلۋى – ينكليۋزيۆتىلىك پەن ادىلەتتى وكىلدىكتىڭ ايقىن كورىنىسى. بۇل ءوز كەزەگىندە ەل تاۋەلسىزدىگىن, قازاق مەملەكەتتىلىگىن نىعايتۋعا, قوعامدىق كەلىسىم مەن ۇلتتىق بىرلىكتى جاڭا ساپالى دەڭگەيگە كوتەرۋگە قىزمەت ەتەتىنى انىق.
قورىتا ايتقاندا, قازاقستاننىڭ حالىق كەڭەسى – قوعامدى توپتاستىراتىن, ورتاق جاۋاپكەرشىلىك پەن ۇلتتىق مۇددەنى العا قوياتىن زاماناۋي ءارى پارمەندى ينستيتۋت بولاتىنى ءسوزسىز.
شەرزود پۋلاتوۆ,
ۇلتتىق قۇرىلتاي مۇشەسى,
استانا قالاسى وزبەك ەتنومادەني ورتالىعىنىڭ توراعاسى
