فوتو: اقوردا
مەملەكەت باسشىسى رەفورمالاردىڭ جاڭا كەزەڭىندە ەلىمىزگە قوعامدىق دامۋدىڭ بارلىق ماسەلەلەرى بويىنشا جالپىۇلتتىق ديالوگتى تۇراقتى تۇردە جۇرگىزۋگە ارنالعان كەڭ اۋقىمدى پلاتفورما, مىنبەر قاجەت ەكەنىن ايتتى.
«جاڭا ينستيتۋت رەتىندە قازاقستاننىڭ حالىق كەڭەسىن قۇرۋدى ۇسىنامىن. جاڭا ورگاننىڭ قىزمەتىندە قازاقستان حالقى اسسامبلەياسى مەن ۇلتتىق قۇرىلتايدىڭ فۋنكتسيالارىنىڭ ستراتەگيالىق ساباقتاستىعىن, قازاق مەملەكەتتىلىگى مەن قازاقستان رەسپۋبليكاسىنىڭ تاۋەلسىزدىگىن دايەكتى تۇردە نىعايتۋدى ساقتاپ قالۋ وتە ماڭىزدى. سونىمەن قاتار, حالىق كەڭەسى باسقا ەلدەردىڭ كونسۋلتاتيۆتىك قۇرىلىمدارىنىڭ تاجىريبەسىن بويىنا سىڭىرگەن جاڭا مەملەكەتتىك ورگانعا اينالادى. ونىڭ قۇرامىندا بارلىق ەتنوس, حالىقتىڭ الەۋمەتتىك توبى مەن وڭىرلەر وكىلدىك الادى.
قازاقستاننىڭ حالىق كەڭەسى قازاقستاننىڭ ەلدەگى جوعارى كونسۋلتاتيۆتىك ورگان مارتەبەسىنە يە بولادى», دەدى قاسىم-جومارت توقاەۆ.
قاسىم-جومارت توقاەۆ كەڭەس قۇرامىن 126 ادامنان جاساقتاۋدى ۇسىندى:
42 ادام – ەتنومادەني بىرلەستىكتەردەن;
42 ادام – ءىرى قوعامدىق بىرلەستىكتەردەن;
42 ادام – ءماسليحاتتار مەن وڭىرلىك قوعامدىق كەڭەستەردەن.
حالىق كەڭەسىنىڭ بارلىق مۇشەسىن پرەزيدەنت تاعايىندايدى, ال توراعاسىن ونىڭ مۇشەلەرى سايلايدى. كەڭەس توراعاسىنىڭ قوعامدىق نەگىزدە روتاتسيالىق تارتىپپەن تاعايىندالاتىن ەكى ورىنباسارى, سونداي-اق حاتشىلىق باسشىسى بولادى.
مەملەكەت باسشىسى جاڭا پارلامەنتتىڭ اتاۋىن «قۇرىلتاي» دەپ اتاۋدى ۇسىندى
سونىمەن قاتار مەملەكەت باسشىسى كىسى قولىنان قازا تاپقان نۇرايدىڭ باسىندا بولعان جاعدايعا دا اسا ءمان بەردى.
بۇعان دەيىن قاسىم-جومارت توقاەۆ ارال تەڭىزى ماسەلەسىنە قاتىستى پىكىر ءبىلدىرىپ, ونى ساقتاۋ بۇكىل ادامزات ءۇشىن وزەكتى مىندەت ەكەنىن ايتقان بولاتىن.
