مەملەكەت باسشىسى قۇرىلتاي اتاۋىن اسا ماڭىزدى مەملەكەتتىك ينستيتۋتتىڭ سيمۆولى رەتىندە ساقتاپ قالۋ تۋرالى ايتتى.
«بولاشاق پارلامەنتتىڭ اتاۋى بويىنشا پىكىرىمدى ايتسام. قۇرىلتاي دەگەن اتاۋدى بەرۋ كەرەك دەپ ويلايمىن. قۇرىلتايدىڭ تاريحي اياسى دا, ماعىناسى دا حالقىمىزعا دا جاقىن. قۇرىلتاي وتىرىستارىن جاڭعىرتۋ باستاماسىن مەن ءوزىم 2022 جىلى كوتەرگەنمىن. وسى باياندامانىڭ باسىندا قۇرىلتاي جۇمىسىنىڭ تيىمدىلىگى مەن پايداسىنا دەن قويدىم. جالپى, ەلىمىزدىڭ ساياسي جۇيەسىندە قۇرىلتاي اتاۋىن اسا ماڭىزدى مەملەكەتتىك ينستيتۋتتىڭ سيمۆولى رەتىندە ساقتاپ قالۋىمىز كەرەك دەپ ويلايمىن», دەدى قاسىم-جومارت توقاەۆ.
پرەزيدەنت دەپۋتاتتار سانىنا قاتىستى ماسەلە قىزۋ پىكىرتالاس تۋعىزعانىن ايتتى.ء بىرىنشى تاراپ ەلىمىزدەگى حالىق سانىنا قاراي پروپورتسيونالدى ۋاكىلدىڭ يدەسىن ۇسىنعان. ال ەكىنشى تاراپ دەپۋتات سانىن 500-گە دەيىن ارتتىرۋ قاجەت ەكەنىن ۇسىنعان.
ء«بىزدىڭ ماقساتىمىز − شىن مانىندە ءتيىمدى ءارى كاسىبي پارلامەنت قۇرۋ. جاڭا زاڭ شىعارۋشى ورگان ەلدەگى اۋقىمدى وزگەرىستەرگە زاڭنامالىق تۇرعىدا بارىنشا قولداۋ كورسەتۋگە ءتيىس. الەمدەگى وزىق تاجىريبەلەرگە قاراساق, بۇل ءۇشىن دەپۋتات سانىن كوبەيتۋدىڭ ەش قاجەتى جوق. سوندىقتان ماسەلە ساندا ەمەس, ساپادا. ەڭ باستىسى پارلامەنتتە ناعىز وتانشىل ازاماتتار, بىلىكتى ماماندار وتىرۋعا ءتيىس», دەدى ول.
قاسىم-جومارت توقاەۆتىڭ ايتۋىنشا, جۇمىس توبى ازاماتتاردىڭ ۇسىنىستارىن مۇقيات زەردەلەپ, قىزۋ تالقىلاعان. ولار پارلامەنتتىڭ ماندات سانى 145 بولۋى كەرەك دەگەن توقتامعا كەلگەن. جاڭا پارلامەنتتە توراعانىڭ 3 ورىنباسارى بولۋى مۇمكىن. ال كوميتەت سانى 8-دەن اسپايدى.
ەسكە سالايىق, قىزىلوردادا مەملەكەت باسشىسى قاسىم-جومارت توقاەۆتىڭ توراعالىعىمەن ۇلتتىق قۇرىلتايدىڭ V وتىرىسى ءوتىپ جاتىر.
جيىندا پرەزيدەنت نەكە ينستيتۋتىن ەر مەن ايەلدىڭ ەرىكتى وداعى رەتىندە زاڭنامالىق تۇرعىدان بەكىتۋ تۋرالى ويىن ايتتى.
كىسى قولىنان قازا تاپقان نۇرايدىڭ باسىندا بولعان جاعدايعا دا اسا ءمان بەردى.
بۇعان دەيىن قاسىم-جومارت توقاەۆ ارال تەڭىزى ماسەلەسىنە قاتىستى پىكىر ءبىلدىرىپ, ونى ساقتاۋ بۇكىل ادامزات ءۇشىن وزەكتى مىندەت ەكەنىن ايتقان بولاتىن.
