54 جاستاعى برازيليالىق مامان 2013–2018 جىلدار ارالىعىندا دا ءدال وسى قىزمەتتە بولعان. كاكاۋدىڭ جەتەكشىلىگىمەن ەلىمىزدىڭ باس كومانداسى 2016 جىلى ەۋروپا چەمپيوناتىندا ايدى اسپانعا ءبىر-اق شىعارىپ, قولا مەدالدى ولجالادى. باپكەر الماتىنىڭ «قايرات» كلۋبىنىڭ تىزگىنىن ۇستاعاندا جەرلەستەرىمىز ۋەفا كۋبوگىن يەلەنىپ, ەلىشىلىك جارىستاردا قارسىلاس شاق كەلتىرمەدى. باسقا دا ءدۇبىرلى دودالاردا دارالاندى. سول ارالىقتا ەل قۇراماسىن جەتى جىلداي كاكا (پاۋلۋ ريكاردۋ فيگەروا سيلۆا) جاتتىقتىردى. بۇل ماماننىڭ دا تۇسىندا جەرلەستەرىمىز ۇلكەن ارەنالاردا ەلەۋلى تابىستارعا قول جەتكىزدى.
باس باپكەرلىك قىزمەتكە تاعايىندالعاننان سوڭ كاكاۋ باق وكىلدەرىنە سۇحبات بەرىپ, الداعى جوسپارلارى تۋرالى ايتتى. اڭگىمە بارىسىندا ول: «شاقىرتۋ العاندا قاتتى قۋاندىم. مەنىڭ قازاقستاندى قالاي جاقسى كورەتىنىمدى جانكۇيەرلەر بىلەدى. سەگىز جىلداي باسقا جاقتا ەڭبەك ەتسەم دە, وزىمە ىستىق قازاق ەلىن ەشۋاقىتتا نازارىمنان تىس قالدىرعان ەمەسپىن. ولار قانداي جارىسقا قاتىسسا دا, ءار كەز تاقىمىمدى قىسىپ, تىلەۋىن تىلەپ وتىرعانىما جانىمداعى ادامدار كۋا. ءبىز ەندى ەۋروپا مەن الەم چەمپيوناتتارىنا قايتا جولداما الىپ, سول جارىستاردا بارىنشا تابىستى ونەر كورسەتۋگە ءتيىسپىز. سول جوسپاردى جۇزەگە اسىرۋعا جىلدار بويى جيعان مول تاجىريبەمدى پايدالانا وتىرىپ, بار كۇشىمدى سالامىن», دەپ اقتارىلا سويلەدى.
قازىر باپكەرلىك قۇرامدا ءبىراز اۋىس-ءتۇيىس بولىپ جاتىر. كۇنى كەشە بەلگىلى فۋتزالشى دىنمۇحامبەت سۇلەيمەنوۆ باس باپكەردىڭ كومەكشىسى قىزمەتىنە تاعايىندالدى. بۇل ەسىم سپورتسۇيەر قاۋىمعا جاقسى تانىس. ول 2009–2019 جىلدارى الماتىنىڭ «قايرات» كلۋبى ساپىندا جاسىنداي جارقىلدادى. كەيىننەن تالدىقورعاننىڭ «جەتىسۋىنا» اۋىسىپ, سول جاقتا مانسابىن اياقتادى. 10 جىلدان اسا ۋاقىت بويى ەلىمىز قۇراماسىنىڭ بەلدى ويىنشىلارىنىڭ ءبىرى ءارى كاپيتانى بولدى. د.سۇلەيمەنوۆتىڭ ەۋروپا چەمپيوناتىنىڭ قولا جۇلدەگەرى, ۋەفا كۋبوگىنىڭ ەكى دۇركىن جەڭىمپازى, الەم سۋپەركۋبوگىنىڭ يەگەرى, ەلىمىزدىڭ 9 دۇركىن چەمپيونى, تاعى باسقا دا اتاقتارى بار.
