فوتو: gov.kz
وقيعا تۋرالى حابارلاما 18 قاڭتار كۇنى كەشكە تۇسكەن. قۇتقارۋشىلار وقيعا ورنىنا جەتكەن ساتتە تۇرعىن ءۇي تولىق وتقا ورانىپ, شاتىرى وپىرىلىپ تۇسكەن. ءورتتى ءسوندىرۋ بارىسىندا دەپارتامەنت قىزمەتكەرلەرى كامەلەتكە تولماعان بالانىڭ ءمايىتىن تاپتى.
2025 جىلى ەل اۋماعىندا قانداي الاپات ءورت وقيعالارى تىركەلدى؟
«الدىن الا مالىمەت بويىنشا, ءورتتىڭ شىعۋىنا پەش جاعۋ كەزىندە ءورت قاۋىپسىزدىگى تالاپتارىنىڭ بۇزىلۋى سەبەپ بولعان», دەلىنگەن توتەنشە جاعدايلار دەپارتامەنتى حابارلاماسىندا.
قازىر قايتىس بولعان بالانىڭ اناسىنا پسيحولوگيالىق كومەك كورسەتىلىپ جاتىر.
بۇعان دەيىن پاۆلودار وبلىسى ەرتىس اۋىلىنداعى جەكە ۇيدەن ءورت شىعىپ, 2 بالا قايتىس بولعانىن حابارلاعانبىز.
قايعى جۇتقان ەرتىستىك وتباسىعا پاتەر كىلتى تابىستالدى.
