فوتو: aa.com
چيلي پرەزيدەنتى گابريەل بوريچ بيو-بيو ورتالىق ايماعىندا جانە سانتياگودان وڭتۇستىككە قاراي شامامەن 500 شاقىرىم جەردە ورنالاسقان كورشىلەس نۋبلە ايماعىندا توتەنشە جاعداي جاريالادى.
ۇلتتىق ورمان شارۋاشىلىعى اگەنتتىگىنىڭ مالىمەتى بويىنشا, ەلدە شامامەن 8500 گەكتار اۋماقتى قامتيتىن جيىرمادان استام ءورت تىركەلگەن. الدىن الا بولجام بويىنشا, تەك بيو-بيو ايماعىندا كەم دەگەندە 300 ءۇي قيراپ, زارداپ شەككەن ۇيلەردىڭ جالپى سانى 1000-نان اسادى. ورتكە بايلانىستى 50 مىڭعا جۋىق ادام ۇيلەرىن تاستاپ كەتۋگە ءماجبۇر بولعان.
قاتتى جەل مەن جوعارى تەمپەراتۋرا ءورت سوندىرۋشىلەردىڭ جۇمىسىنا ايتارلىقتاي كەدەرگى كەلتىرىپ جاتىر.
جەكسەنبى كۇنى اتالعان وڭىردە اۋا تەمپەراتۋراسى 38 گرادۋستان اسقان.
