فوتو: pinterest.com
ماسەلەن, تۇركىستان وبلىسىنىڭ وڭتۇستىك جانە تاۋلى اۋداندارىندا كوكتايعاق بولادى. ءوڭىردىڭ باتىسى, سولتۇستىگى, وڭتۇستىگى مەن تاۋلى ايماقتارىندا تۇمان كۇتىلەدى. شىمكەنتتە كۇندىز كوكتايعاق بايقالىپ, تۇمان تۇسەدى. تۇركىستان قالاسىندا دا كورىنۋ قاشىقتىعى تومەندەۋى مۇمكىن.
سولتۇستىك قازاقستان وبلىسىندا تۇندە جانە كۇندىز قار جاۋادى. كەي اۋدانداردا بوران سوعىپ, جولدا ءجۇرۋ قيىندايدى.
اتىراۋ وبلىسىنىڭ سولتۇستىگى مەن وڭتۇستىگىندە تۇمان مەن كوكتايعاق كۇتىلەدى. مۇنداي جاعدايدا جول تايعاق بولىپ, اپات قاۋپى ارتادى.
ماڭعىستاۋ وبلىسىنىڭ سولتۇستىك-شىعىسىندا تۇمان تۇسەدى. جەلدىڭ ەكپىنى تۇندە 15-20 م/س-قا دەيىن جەتەدى. اۋا تەمپەراتۋراسى تۇندە 22 گرادۋس ايازعا دەيىن تومەندەيدى.
پاۆلودار وبلىسىنىڭ سولتۇستىگىندە قار جاۋىپ, بوران سوعادى. بۇل جول جاعدايىن كۇرت ناشارلاتۋى مۇمكىن.
پاۆلوداردا ۇسىك شالعاندار كوبەيدى: 24 ادام اۋرۋحاناعا ءتۇستى
اقمولا وبلىسىندا تۇندە جانە كۇندىز قار مەن جاياۋ بوران كۇتىلەدى. جەل كۇشەيىپ, كەي جەرلەردە قار ۇيىندىلەرى پايدا بولۋى ىقتيمال.
اباي وبلىسىنىڭ وڭتۇستىگىندە تۇمان تۇسەدى. سولتۇستىك جانە ورتالىق بولىكتەرىندە جەل كۇشەيەدى. شىعىسىندا تۇندە اۋا تەمپەراتۋراسى 40 گرادۋسقا دەيىن تومەندەيدى.
شىعىس قازاقستان وبلىسىنىڭ سولتۇستىگى مەن شىعىسىندا تۇمان كۇتىلەدى. تۇندە قاتتى اياز بولادى. وسكەمەندە دە تۇمان بولجانىپ وتىر.
قاتتى اياز, قارلى بوران: 14 وبلىستا اۋا رايىنا بايلانىستى ەسكەرتۋ جاريالاندى
قوستاناي وبلىسىندا قار جاۋىپ, جاياۋ بوران سوعادى. قوستاناي قالاسىندا دا وسىنداي اۋا رايى تىركەلۋى مۇمكىن, قوزعالىسقا ۋاقىتشا شەكتەۋ قويىلۋى ىقتيمال.
جەتىسۋ وبلىسىنىڭ تاۋلى اۋداندارىندا تۇمان مەن كوكتايعاق بولادى. الاكول ماڭىندا جەل كۇشەيىپ, تۇندە 25-27 گرادۋس اياز كۇتىلەدى.
جامبىل وبلىسىندا, سونىڭ ىشىندە تاراز قالاسىندا, تۇمان مەن كوكتايعاق بايقالادى.
قىزىلوردا وبلىسىنىڭ وڭتۇستىگىندە تۇمان كۇتىلەدى.
ماماندار تۇرعىندارعا جولعا شىعاردا اۋا رايى بولجامىن ەسكەرۋدى, قاجەتسىز ساپارلاردى كەيىنگە قالدىرۋدى جانە جولداعى قاۋىپسىزدىك تالاپتارىن ساقتاۋدى ۇسىنادى.
