باس پروكۋراتۋرانىڭ حابارلاۋىنشا, الاياقتىق سحەماسى قاراپايىم. پايدالانۋشىعا Telegram ارقىلى شەكتەۋسىز قولجەتىمدى ۇلكەن كىتاپحاناعا كىرۋگە بولاتىنى تۋرالى حابارلاما كەلەدى. قاجەتتى كىتاپتى سۇراتقاننان كەيىن بوت ناقتى سەرۆيسكە ۇقساس ارەكەت جاساپ, كىتاپتىڭ قىسقاشا مازمۇنىن ۇسىنادى. الايدا كىتاپتى وقۋ نەمەسە جۇكتەۋ ورنىنا «ارنايى قوسىمشا» دەگەن جەلەۋمەن ۆيرۋسى بار فايل جىبەرەدى.
– مۇنداي فايلدى ورناتۋ اۋىر سالدارعا اكەلۋى مۇمكىن. اتاپ ايتقاندا, پارولدەر مەن اقشا قاراجاتىنىڭ ۇرلانۋى, حات-حابارلار مەن جەكە فوتوسۋرەتتەرگە قول جەتكىزۋ, سمارتفوندى قاشىقتان باسقارۋ جانە جەكە دەرەكتەردىڭ جوعالۋى قاۋپى بار, – دەلىنگەن حابارلامادا.
جالعان تۇبىرتەكپەن دۇكەن ساتۋشىلارىن سان سوقتىرعان الاياق ۇستالدى
پروكۋراتۋرا وكىلدەرى رەسمي ەمەس دەرەككوزدەردەن الىنعان بوگدە قوسىمشالاردى ورناتۋ كيبەرقاۋىپسىزدىككە ەلەۋلى قاتەر توندىرەتىنىن ەسكەرتەدى. ۆەدومستۆو ازاماتتاردى كيبەرگيگيەنا قاعيدالارىن قاتاڭ ساقتاۋعا جانە جەكە ساقتىق شارالارىن كۇشەيتۋگە شاقىردى.
مامانداردىڭ ايتۋىنشا, جەكە قىراعىلىق پەن قاۋىپسىزدىك تالاپتارىن ساقتاۋ – مۇنداي ينتەرنەت-قاۋىپتەردەن قورعانۋدىڭ نەگىزگى جولى.
