بيىل مەرەكەگە دايىندىق اياسىندا ەلىمىزدىڭ وڭىرلەرىندە قىس مەزگىلىندە جاپپاي شومىلۋعا ارنالعان 278 رەسمي ورىن ۇيىمداستىرىلادى. قاۋىپسىز ويىقتاردىڭ تولىق تىزىمىمەن جەرگىلىكتى اتقارۋشى ورگاندار مەن تج دەپارتامەنتتەرىندە تانىسۋعا بولادى.
جاپپاي شومىلۋ ورىندارىندا ازاماتتاردىڭ قاۋىپسىزدىگىن قامتاماسىز ەتۋ ءۇشىن قۇتقارۋشى سۇڭگۋىرلەردى, شۇعىل دەن قويۋ بريگادالارىن, پوليتسيا قىزمەتكەرلەرىن قوسا العاندا, 2934 قىزمەتكەر جانە جەرگىلىكتى اتقارۋشى ورگانداردىڭ 539 قىزمەتكەرى كەزەكشىلىك ەتەتىن بولادى. جەدەل دەن قويۋ ۇشىن 1164 بىرلىك كولىك تارتىلادى.تجم ازاماتتاردى شومىلۋ كەزىندە مىنا قاۋىپسىزدىك ەرەجەلەرىن ساقتاۋعا شاقىرادى:ويىققا تۇسپەس بۇرىن دەنساۋلىعىڭىزدىڭ وعان جارايتىنىنا كوز جەتكىزىڭىز. سوزىلمالى اۋرۋلار مەن جۇرەك پروبلەمالارى بار ادامدارعا شومىلۋدان باس تارتۋ ۇسىنىلادى.
قاۋىپسىز شومىلۋ ءۇشىن سۋدىڭ تەمپەراتۋراسى 0 گرادۋستان تومەن بولماۋى كەرەك.
تەك ارنايى دايىندالعان جانە قاۋىپسىز جەرلەردە شومىلۋ كەرەك.
قاتتى اعىندار مەن تاستى جەرلەردەن اۋلاق بولىڭىز.
جالعىز سۇڭگۋدەن اۋلاق بولىڭىز. جاقىن جەردە كومەكتەسەتىن ادام بولعان دۇرىس.
جىلى كيىم مەن تايعاق ەمەس اياق كيىم كيىڭىز.
سۋعا تۇسەر الدىندا بۇلشىقەتتەردى قىزدىرىپ, دەنەنى سۋىق سۋعا دايىنداۋ ءۇشىن جىلىتىڭىز.
تەز سۇڭگىڭىز جانە گيپوتەرميانى بولدىرماۋ ءۇشىن سۋ استىندا ۇزاق تۇرماڭىز.
كەزەكتى قاداعالاڭىز, ويىقتىڭ شەتىنە جينالماڭىز. شومىلعاننان كەيىن تەز ورانىپ, جىلى كيىم كيىڭىز.
ەستەرىڭىزگە سالا كەتەيىك, 2025 جىلى جاپپاي شومىلۋعا 90 مىڭنان استام ادام قاتىستى. تجم جازاتايىم وقيعالاردىڭ الدىن الۋ ءۇشىن بارلىق قاۋىپسىزدىك شارالارىن ساقتاۋدىڭ ماڭىزدىلىعىن ەسكەرتەدى.
