– ادامدى اكەلگەندىكتەن اۋرۋحاناعا اپاراتىن جولدار جابىلدى, ول ەس-ءتۇسسىز رەانيماتسيادا جاتىر, – دەدى گروزنىيداعى دەرەككوزدەردىڭ ءبىرى.
قادىروۆتىڭ كورتەجى جول-كولىك وقيعاسىنا ۇشىراعان. ارنا حابارلاماسىندا كورتەجدىڭ ادەتتەگىدەي جوعارى جىلدامدىقپەن قوزعالىپ كەلە جاتىپ, كۇتپەگەن كەدەرگىگە تاپ بولعانى, سونىڭ سالدارىنان كولىكتەردىڭ ءبىر-بىرىنە سوقتىعىسقانى ايتىلعان.
NIYSO دەرەگىنە سايكەس, جول اپاتىنان تاعى ءبىر جوعارى لاۋازىمدى شەشەن شەنەۋنىگىنىڭ ۇلى دا زارداپ شەككەن بولۋى مۇمكىن, الايدا ونىڭ ەسىمى اتالمايدى. سونداي-اق اۋرۋحانا ماڭىنداعى داڭعىل جابىلىپ, گروزنىي قالاسىنا كىرەبەرىستەردە كەپتەلىستەر پايدا بولعانى حابارلاندى. ارنا مالىمەتىنشە, ادام قادىروۆتى ماسكەۋگە تاسىمالداۋعا دايىنداۋ ماسەلەسى قاراستىرىلۋى مۇمكىن. جول اپاتىنان قادىروۆتىڭ ءۇش كۇزەتشىسى اۋىر جاراقات العانى دا ايتىلدى.
رامزان قادىروۆتىڭ 20 جاستاعى ۇلى ۆيتسە-پرەمەر بولىپ تاعايىندالدى
اتالعان اقپاراتقا قاتىستى شەشەنستان بيلىگى تاراپىنان ازىرگە رەسمي راستاۋ بەرىلگەن جوق.
ادام قادىروۆ 18 جاستا. ول شەشەنستان قاۋىپسىزدىك كەڭەسىنىڭ حاتشىسى قىزمەتىن اتقارادى. 2025 جىلعى ساۋىردە شەشەن رەسپۋبليكاسىنىڭ ىشكى ىستەر مينيسترلىگىن كۋراتورلىق ەتۋگە تاعايىندالعان. سونىمەن قاتار ول رەسەي قورعانىس مينيسترلىگىنە قاراستى شەيح مانسۋر جانە بايسانگۋر بەنوەۆسكي اتىنداعى باتالونداردى, سونداي-اق پۋتين اتىنداعى ارنايى ماقساتتاعى ۋنيۆەرسيتەتتى قاداعالايدى.
