فوتو: Yonhap
سەيسەنبى كۇنى سەۋل ورتالىق وكرۋگتىك سوتى وڭتۇستىك كورەيانىڭ ەكس-پرەزيدەنتى يۋن سوك ەلگە قاتىستى ۇكىم شىعاردى. سوت شەشىمىنە سايكەس, بۇرىنعى مەملەكەت باسشىسى 5 جىلعا باس بوستاندىعىنان ايىرىلدى. بۇل – 2024 جىلدىڭ جەلتوقسانىنداعى قىسقا مەرزىمدى اسكەري جاعداي ەنگىزۋ وقيعاسىنا قاتىستى شىعارىلعان العاشقى سوت ۇكىمى.
Yonhap اگەنتتىگىنىڭ حابارلاۋىنشا, يۋن سوك ەل بىرنەشە اۋىر باپتار بويىنشا ايىپتالعان:
-
سوت تورەلىگىنە كەدەرگى جاساۋ: وتكەن جىلى تەرگەۋشىلەردىڭ ءوزىن ۇستاۋ ارەكەتتەرىنە بەلسەندى تۇردە كەدەرگى كەلتىرگەن.
-
اسكەري جاعداي رەجيمى: 2024 جىلعى جەلتوقسانداعى كونستيتۋتسياعا قايشى ارەكەتتەرى مەن سونىڭ سالدارىنان تۋىنداعان زاڭسىز بۇيرىقتار.
-
لاۋازىمدىق وكىلەتتىگىن اسىرا پايدالانۋ: مەملەكەتتىك ورگانداردىڭ جۇمىسىنا زاڭسىز ارالاسۋ.
ەكس-پرەزيدەنت يۋن سوك ءيولدىڭ جۇبايى جەمقورلىق ءىسى بويىنشا قاماۋعا الىندى
ايتا كەتەيىك, يۋن سوك ەلدىڭ بيلىگى كەزىندەگى بۇل داۋلى شەشىم ەلدە جاپپاي نارازىلىقتار تۋدىرىپ, قىزمەتىنەن شەتتەتىلدى. قازىرگى ۋاقىتتا ەكس-پرەزيدەنتتىڭ ادۆوكاتتارى بۇل شەشىمگە قاتىستى اپەللياتسيالىق شاعىم ءتۇسىرۋ مۇمكىندىگىن قاراستىرىپ جاتىر.
وڭتۇستىك كورەيانىڭ بۇرىنعى پرەزيدەنتىنىڭ قاماۋ مەرزىمى تاعى ۇزارتىلدى
