فوتو: استانا اكىمدىگى
ەلوردا اكىمدىگى رەسمي سايتىنىڭ مالىمەتىنشە, ول وسى ۋاقىتقا دەيىن 853 كىتاپ وقىپ, استانا قالاسى مەكتەپتەرى بويىنشا تىركەلگەن ەڭ جوعارى ناتيجەگە يە بولعان.
«التىناي قازاق, ورىس جانە اعىلشىن تىلدەرىندەگى كوركەم ادەبيەتتەر مەن تانىمدىق شىعارمالاردى ەركىن وقيدى. سونىمەن قاتار ول فرانتسۋز تىلىندەگى كىتاپتاردى دا مەڭگەرىپ ءجۇر», دەيدى مەكتەپ كىتاپحاناسىنىڭ مەڭگەرۋشىسى شاپيرا سارسەمبەكقىزى.
شەت تىلىندەگى كىتاپتاردى التىنايعا اتا-اناسى ۇلىبريتانيادان الدىرادى ەكەن. وقۋشى قىزدىڭ ءوزى شەت تىلىندەگى كىتاپتاردى دۇنيەتانىمىن كەڭەيتۋ, تىلدىك قابىلەتىن دامىتۋ ماقساتىندا الدىراتىنىن ايتادى. كىتاپقۇمار قىز ءتورت تىلدە, ياعني قازاق, ورىس, اعىلشىن جانە فرانتسۋز تىلدەرىندەگى كىتاپتاردى ەركىن وقيدى.
بۇگىندە ول مەكتەپ كىتاپحاناسىنداعى بارلىق كىتاپتى تولىق وقىپ شىعىپتى. سونداي-اق ۇيىندە جەكە ۇلكەن كىتاپحاناسى دا بار ەكەن. وسىنشاما كىتاپ وقىعان التىنايدىڭ كىتاپقۇمارلىق قاسيەتى ناعىز ۇلگى.
