پوليتسيا مالىمەتىنشە, 2026 جىلعى 8 قاڭتاردا ورىن العان وقيعا بويىنشا ابايسىزدا ادام ولىمىنە اكەپ سوققان دەنساۋلىققا قاساقانا زيان كەلتىرۋ دەرەگىمەن سوتقا دەيىنگى تەرگەپ-تەكسەرۋ باستالدى.
جەدەل-ىزدەستىرۋ ءىس-شارالارى بارىسىندا كامەلەتكە تولماعان كۇدىكتى ۇستالىپ, زاڭنامادا بەلگىلەنگەن تارتىپپەن ۋاقىتشا ۇستاۋ يزولياتورىنا قامالعان.
الدىن الا دەرەكتەرگە سايكەس, وقيعا كەزىندە كۇدىكتى تاراپىنان سوققى جاسالعان. الايدا پوليتسيا بۇل مالىمەتتەردىڭ الدىن الا سيپاتقا يە ەكەنىن اتاپ ءوتتى. قازىرگى تاڭدا وقيعاعا قاتىسۋشىلار مەن كۋاگەرلەردىڭ كورسەتۋلەرى, سونداي-اق تاعايىندالعان ساراپتامالاردىڭ قورىتىندىلارى جان-جاقتى تەكسەرىلۋدە.
سونىمەن قاتار, بۇعان دەيىن تاراعان وقيعانىڭ اقشاعا بايلانىستى بولعانى جونىندەگى اقپارات ازىرگە راستالعان جوق. بۇل نۇسقا دا تەرگەۋ اياسىندا تەكسەرىلىپ جاتىر.
قازىرگى ۋاقىتتا وقيعانىڭ بارلىق ءمان-جايىن تولىق ءارى وبەكتيۆتى انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلۋدە. قىلمىستىق ءىس پوليتسيا دەپارتامەنتى باسشىلىعىنىڭ ەرەكشە باقىلاۋىنا الىنعان.
الماتى وبلىسى.
