ەندىگى جەردە مەملەكەتتىك ءنومىر اۆتوماتتى تۇردە عانا بەرىلمەي, ازاماتتار بار نۇسقانىڭ ىشىنەن وزدەرىنە ۇناعان ءارىپ-سان ۇيلەسىمىن تاڭداي الادى.
سەرىك شۋماەۆتىڭ ايتۋىنشا, بۇل جاڭا قىزمەت مەملەكەتتىك قىزمەتتى ۇسىنۋ ءتاسىلىن تۇبەگەيلى وزگەرتە وتىرىپ, تاڭداۋ قۇقىعىن دامىتا تۇسۋگە باعىتتالعان. ءنومىردى تاڭداۋ مۇمكىندىگىن ەنگىزۋ ءبىراز شارۋانى قاتار شەشۋى ءتيىس. ماسەلەن, حالىققا دا ىڭعايلى ءارى وسى جۇمىستىڭ اشىقتىعىن قامتاماسىز ەتەتىن, وعان قوسا مەملەكەتتىك قىزمەتتەردى تسيفرلاندىرۋدى كوزدەيتىن اۋقىمدى باعدارلامانىڭ دا ءبىر بولىگى.
جالعان نومىرمەن جۇرگەن كولىكتەر انىقتالدى
«مەملەكەتتىك نومىرلەردىڭ بىرنەشە ساناتى قاراستىرىلعان. ولاردىڭ قۇنى 10-نان 280 ايلىق ەسەپتىك كورسەتكىشكە (اەك) دەيىن بارادى. باعا اۆتوكولىك يەسى تاڭداعان ساندىق نەمەسە ارىپتىك كومبيناتسياعا بايلانىستى. مەملەكەتتىك نومىرلەردى ساتىپ الۋدان تۇسكەن قاراجات قالا بيۋدجەتىنە تۇسەدى. قازىر بىردەي ءۇش ساننان تۇراتىن, باسىندا نەمەسە سوڭىندا نولدەرى بار نومىرلەرگە سۇرانىس وتە جوعارى», دەيدى سەرىك شۋماەۆ.
قازىرگى ۋاقىتتا ءنومىر تاڭداۋ ءۇشىن مامانداندىرىلعان حالىققا قىزمەت كورسەتۋ ورتالىقتارى ارقىلى ءوتىنىش بەرسەڭىز بولادى. الداعى ۋاقىتتا بۇل قىزمەت ونلاين فورماتتا – ەلەكتروندىق ۇكىمەت پورتالى مەن ءموبيلدى قوسىمشالار ارقىلى دا قولجەتىمدى بولادى. بۇل حقو-لارعا تۇسەتىن جۇكتەمەنى ازايتىپ, جۇمىستى بارىنشا ىڭعايلى ەتۋگە مۇمكىندىك بەرمەك.
ەلىمىزدە جالعان نومىرمەن جۇرگەن 900-دەن استام جۇرگىزۋشى ۇستالدى
قىزمەت كورسەتۋ ءراسىمى قاراپايىم ءارى تۇسىنىكتى, ياعني ازاماتتارىمىز جۇيەدەگى قولجەتىمدى كومبيناتسيالاردان كەرەك ءنومىردى تاڭداپ, تەكسەرۋدەن ءوتىپ, قىزمەت اقىسىن تولەپ, سودان كەيىن ءوتىنىش بەرەدى. بۇل ۇدەرىستەر باقىلانادى جانە اشىق وتەدى. ادەپسىز ءارى جاعىمسىز ماعىنا بەرەتىن نومىرلەردى جاساۋعا عانا جول بەرىلمەيدى.
«ارىپتىك جانە ساندىق كومبيناتسيالار جالپى قابىلدانعان مورالدىق نورمالارعا ساي بولۋى ءتيىس. ءبىز مۇنى الدىن الا ەسكەرتەمىز, ياعني بالاعات سوزدەر نەمەسە بىرەۋدىڭ ار-نامىسى مەن قادىر-قاسيەتىنە نۇقسان كەلتىرەتىن جازۋى بار نومىرلەر بولمايدى. بارلىعى ادەپتەن اسپاۋى كەرەك», – دەيدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.
ىشكى ىستەر ورگاندارىندا كولىك قۇرالدارىن تىركەۋ سالاسىنداعى وزگەرىستەر تەك سەرۆيستىك تۇرعىدان عانا ەمەس, «زاڭ جانە ءتارتىپ» قاعيداتتارىن قامتاماسىز ەتۋ ءۇشىن دە ماڭىزدى ەكەنىن اتاپ ءوتتى. ناقتى ەسەپكە الۋ, بىرىڭعاي ەرەجەلەر مەن اشىق راسىمدەر كولىك قاۋىپسىزدىگىنە, كولىكتەردى ىزدەستىرۋ مەن ازاماتتاردىڭ قۇقىقتارىن قورعاۋ جۇمىسىنا دا تىكەلەي اسەر ەتەدى.
پوليتسيا مەملەكەتتىك ءنومىرىن جاسىرعان كولىك جۇرگىزۋشىلەرىمەن كۇرەستى باستادى
سەرىك شۋماەۆتىڭ ايتۋىنشا, جوعارىداعىداي قىزمەتتى جەتىلدىرە ءتۇسۋ الداعى ۋاقىتتا جالعاسىن تابادى.
