فوتو: Oqu-agartu ministrligi
رەسمي تۇردە راستالدى
وسىلايشا كوللەدج اتالعان باعىت بويىنشا حالىقارالىق تالاپتارعا ساي ەكەنى رەسمي تۇردە راستالعان قازاقستانداعى العاشقى تەحنيكالىق جانە كاسىپتىك ءبىلىم بەرۋ ۇيىمدارىنىڭ قاتارىنا كىردى.
اككرەديتاتسيالاۋ بارىسىندا KazWeld ساراپشىلارى وقۋ ورنىنىڭ ءبىلىم بەرۋ باعدارلامالارىن, ماتەريالدىق-تەحنيكالىق بازاسىن, كادرلىق الەۋەتىن جانە ءبىلىم الۋشىلاردىڭ دايارلىق دەڭگەيىن كەشەندى تۇردە باعالادى. ساراپتاما ناتيجەسى بويىنشا كوللەدجدىڭ حالىقارالىق سالالىق ستاندارتتارعا تولىق سايكەس كەلەتىنى انىقتالدى.
كوللەدجدەردە ستۋدەنتتەردى حالىقارالىق سەرتيفيكاتتاۋ باستالدى
حالىقارالىق دەڭگەي
اككرەديتاتسيا قورىتىندىسى پەداگوگتەر مەن ستۋدەنتتەردىڭ كاسىبي دايىندىعىنىڭ جوعارى دەڭگەيىن كورسەتتى. وندىرىستىك وقىتۋ شەبەرى حالىقارالىق دەڭگەيدەگى پراكتيك-مامان ديپلومىن الدى, ال وقىتۋشىعا حالىقارالىق دانەكەرلەۋ مامانى مارتەبەسى بەرىلدى. سونىمەن قاتار 2,3 كۋرس ستۋدەنتتەرى اراسىنان 10 ءبىلىم الۋشى حالىقارالىق پراكتيكالىق اتتەستاتسيادان ءساتتى ءوتىپ, ءوز بىلىكتىكتەرىنىڭ ەڭبەك نارىعىندا سۇرانىسقا يە ەكەنىن دالەلدەدى.
مۇمكىندىكتەردى كەڭەيتەدى
حالىقارالىق سالالىق اككرەديتاتسيا وقۋ ورنى ءۇشىن ءبىلىم ساپاسىنىڭ ماڭىزدى كورسەتكىشى بولىپ تابىلادى. ول ستۋدەنتتەرگە IIW ستاندارتتارىنا نەگىزدەلگەن پراكتيكالىق باعىتتاعى دايارلىقتان وتۋگە مۇمكىندىك بەرىپ, تۇلەكتەردىڭ وتاندىق جانە شەتەلدىك ونەركاسىپتىك كاسىپورىنداردا جۇمىسقا ورنالاسۋ مۇمكىندىگىن كەڭەيتەدى.
