وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنە سۇيەنسەك, تالعات نازاروۆ 9 قاڭتاردا كۇندىزگى ساعات 13:30 شاماسىندا اتىراۋ قالاسىنىڭ كوكارنا شاعىن اۋدانىنداعى ۇيدەن شىعىپ كەتكەن. سودان بەرى ونىڭ قايدا ەكەنى تۋرالى دەرەك شىقپاي تۇر.
«جوعالعان ەر ادامدى جەدەل ىزدەستىرۋ جۇمىسى ءالى دە جالعاسىپ جاتىر. كريمينالدى پوليتسيا بولىنىستەرىنىڭ مالىمەتىنە سايكەس ەر ادامنىڭ سوڭعى جۇرگەن ءىزى جايىق وزەنىنىڭ ماڭىنان انىقتالدى. وزەنگە تاياۋ ماڭنان ءىز-ءتۇزسىز جوعالعان ادامنىڭ جەكە زاتتارى تابىلدى. سوعان بايلانىستى ونى جايىق وزەنىنەن ىزدەۋگە توتەنشە جاعدايلار دەپارتامەنتىنىڭ قىزمەتكەرلەرى مەن قۇرالدارى تارتىلدى», دەپ حاباردار ەتتى دەپارتامەنتتىڭ ءباسپاسوز قىزمەتى.
تۋىستارىنىڭ ايتۋىنشا, حابار-وشارسىز كەتكەن تالعات نازاروۆ ماقات اۋدانىنىڭ دوسسور كەنتىندە تۇرعان. ول اتىراۋ قالاسىنا دارىگەردىڭ قابىلداۋىنا جۇگىنۋ ءۇشىن كەلگەن.
بۇدان بۇرىن اتىراۋدا ءىز-ءتۇزسىز جوعالعان ەر ادام ىزدەستىرىلىپ جاتقانىن جازعان ەدىك.
ەسكە سالايىق, اتىراۋ وبلىسىندا ءبىر وتباسى جۇمباق جاعدايدا جوعالىپ كەتتى. كەيىنىرەك, جوعالعان وتباسىنىڭ قىزى مەن بالاسىن سۇڭگۋىرلەر ىزدەپ, تابا الماعانى حابارلاندى.
اتىراۋ وبلىسىنداعى جانگەلدين اۋىلىنىڭ تۇرعىندارىن ءولتىرۋ دەرەگى بويىنشا كۇدىكتىگە, جابىرلەنۋشى وتباسىنىڭ 30 جاستاعى قىزىنا حالىقارالىق ىزدەۋ جاريالاندى.
