فوتو: قورعانىس مينيسترلىگى
قورعانىس سالاسى وكىلدەرى مايدانگەرگە ەرلىگى ءۇشىن قۇرمەت كورسەتىپ, وعان ۇزاق عۇمىر تىلەدى.
ء«سىز حالقىمىزدىڭ قاھارماندىق تاريحىنىڭ ءتىرى كۋاگەرى رەتىندە ەرلىك, نامىس پەن قايسار رۋحتىڭ جارقىن بەينەسىسىز. سىزگە العىسىمىزدى ءبىلدىرىپ, جەڭىمپاز ۇرپاقتىڭ ەرلىگى الدىندا باسىمىزدى يەمىز», دەدى اسكەري ءبولىم كومانديرى 1-ءشى دارەجەلى كاپيتان ەسەنعالي بايبوتاەۆ.
مينيسترلىكتىڭ مالىمەتىنشە, ۆاسيلي يۆانوۆيچ ءى قيىر شىعىس مايدانى قۇرامىندا سوعىسقان. كىشى سەرجانت شەنىنە دەيىن كوتەرىلگەن. ءىى دارەجەلى وتان سوعىسى وردەنىمەن, «گ.ك.جۋكوۆ», «گەرمانيانى جەڭگەنى ءۇشىن» مەدالدارىمەن ماراپاتتالعان.
مايدانگەر تۇراتىن ءۇيدىڭ اۋلاسىندا اسكەري-تەڭىز كۇشتەرىنىڭ وركەسترى سوعىس جىلدارىنداعى اۋەندەردى ورىنداپ, اعا بۋىننىڭ ەرلىگىن ەسكە ءتۇسىردى. ارداگەر تەبىرەنىپ, اسكەري قىزمەتكەرلەرگە باتاسىن بەردى.
مايدانگەر وتانداستارىمىزعا ارنالعان ەسكەرتكىشكە گۇل شوقتارى قويىلدى
