وبلىس اكىمىنىڭ ءباسپاسوز قىزمەتى 12 قاڭتاردا قۇرامىندا وبلىستىق ەكولوگيا دەپارتامەنتىنىڭ زەرتحانا مامانى, جەرگىلىكتى اتقارۋشى بيلىك وكىلدەرى بار ارنايى جۇمىس توبى تورعاي وزەنىنە تەكسەرۋ جۇرگىزۋ ماقساتىندا جولعا شىققانىن مالىمدەدى.
«تەكسەرۋ جۇمىستارى 2025 جىلعى 22 قازاندا اۋىل شارۋاشىلىعى مينيسترلىگى بەكىتكەن № 386 ەرەجەگە سايكەس جۇرگىزىلەدى. بالىقتاردىڭ قىرىلۋ فاكتىسى تۋرالى قورىتىندىنى جۇمىس توبى شىعارادى. ودان كەيىن تولىققاندى اقپارات بەرەتىن بولادى» دەپ مالىمدەدى وبلىس اكىمىنىڭ ءباسپاسوز قىزمەتى.
اتىراۋدا بالىق قورعاۋ ينسپەكتورلارى كۆادروتسيكلمەن جايىققا ءتۇسىپ كەتتى
وبلىستىق ەكولوگيا دەپارتامەنتى باسشىسىنىڭ ورىنباسارى زيادا بيساقالوۆا جاعدايدىڭ باقىلاۋعا الىنعانىن ايتتى.
«ناقتى سەبەبى سىناما الىنىپ, زەرتحانالىق ساراپتاما جاسالعاننان كەيىن عانا بەلگىلى بولادى. مۇنداي جاعداي, كوبىنە, سۋ قۇرامىندا وتتەگىنىڭ جەتىسپەۋشىلىگىنەن بولادى», دەدى زيادا بيساقالوۆا.
ەكولوگيا جانە تابيعي رەسۋرستار مينيسترلىگى دە اتالعان ماسەلەگە قاتىستى رەسمي اقپارات تاراتتى. مينيسترلىكتىڭ مالىمەتىنشە, 12 قاڭتاردا قۇرامىندا سانيتاريالىق-ەپيدەميالىق قىزمەت ماماندارى, تابيعي رەسۋرستار باسقارماسىنىڭ, ەكولوگيا دەپارتامەنتىنىڭ جانە بالىق ينسپەكتسياسىنىڭ وكىلدەرى بار ارنايى كوميسسيا تورعايعا اتتانىپ كەتكەن. كوميسسيا وزەن سۋىنان, بالىقتاردان جانە قورشاعان ورتادان سىناما الىپ, كەشەندى تەكسەرۋ جۇرگىزەدى.
قوستاناي وبلىسى
