فوتو: اشىق دەرەككوزدەن
قازىر مارقۇمنىڭ جەكە باسى انىقتالعان. ال كۇدىكتى دەپ تانىلعان 1997 جىلى تۋعان ايماحان شەرحانعا قاتىستى ىزدەۋ جاريالانىپ وتىر. ول وقيعا ورنىنان 015 AUY 17 مەملەكەتتىك ءنومىرلى Hyundai Mufasa كولىگىنە ءمىنىپ, قاشىپ كەتكەن.
الدىن الا اقپارات بويىنشا, مارقۇم قىز كۇدىكتىمەن بۇرىن تانىس بولعان.
پوليتسيا وسى وقيعاعا بايلانىستى «كىسى ءولتىرۋ» بابى بويىنشا قىلمىستىق ءىس قوزعالىپ, كۇدىكتىنىڭ قايدا ەكەنىن انىقتاۋ, ۇستاۋ جانە جاۋاپكەرشىلىككە تارتۋ ءۇشىن بارلىق قاجەتتى تەرگەۋ شاراسى جۇرگىزىلىپ جاتىر.
قالالىق پوليتسيا باسقارماسى ىسكە قاتىستى وزگە مالىمەتتەر تەرگەۋ مۇددەسىنە ساي جاريالانبايتىنىن مالىمدەدى.
بۇعان دەيىن الماتى تاۋلارىندا ءۇش ادام جوعالىپ كەتىپ, ءبىر ادامنىڭ ءمايىتى تابىلعانىن حابارلاعانبىز. جەلتوقسان سوڭىندا الماتى تاۋلارىندا سنوۋبورد تەپكەن قىز كوز جۇمىپ, قۇتقارۋشىلار ونىڭ ءمايىتىن تاپقانىن مالىمدەگەن.
وتكەن جىلدىڭ قاراشا ايىندا جامبىل وبلىسى بايزاق اۋدانىنىڭ سارىكەمەر اۋىلىندا №3 بايزاق كوللەدجىنىڭ 16 جاستاعى ستۋدەنتى ءوز-وزىنە قول جۇمساپ, كەيىننەن ءمايىتى تابىلعان ەدى.
