اتالعان جۇمىس قالالىق باعدارلامالار اياسىندا جۇرگىزىلىپ, ەموتسيونالدىق كۇيزەلىستىڭ الدىن الۋعا, مازاسىزدىق پەن كۇيزەلىس دەڭگەيىن تومەندەتۋگە, سونداي-اق ومىرلىك جانە كاسىبي سىن-قاتەرلەرگە بەيىمدەلۋ مەن ءوزىن-ءوزى رەتتەۋ داعدىسىن قالىپتاستىرۋعا باعىتتالعان. اسىرەسە, الەۋمەتتىك تۇرعىدان وسال ساناتتاعى جاستارعا, ستۋدەنتتەرگە, جۇمىس ىستەيتىن جاستارعا جانە NEET ساناتىنداعى وكىلدەرگە ەرەكشە كوڭىل بولىنەدى.
پسيحولوگيالىق قولداۋ قالانىڭ كوميۋنيتي ورتالىقتارى, ءبىلىم بەرۋ ۇيىمدارى جانە ارناۋلى كەڭەس بەرۋ الاڭدارى ارقىلى كورسەتىلەدى. جاستار جەكە جانە توپتىق كەڭەس الىپ, سترەسستى باسقارۋ بويىنشا ترەنينگتەن وتەدى, ەموتسيونالدىق ينتەللەكتتى دامىتۋعا ارنالعان ۆوركشوپتارعا جانە مەنتالدى دەنساۋلىق تاقىرىبىنداعى ءبىلىم بەرەتىن كەزدەسۋلەرگە قاتىسادى.
جاستاردى كەشەندى قولداۋ اياسىندا جۇمىسپەن قامتۋ ماسەلسى بويىنشا دا جۇمىس كۇشەيتىلدى. جىل باسىنان بەرى 10,8 مىڭنان استام الماتىلىق جاس جۇمىسقا ورنالاسۋ, كاسىبي باعدار بەرۋ جانە مانساپتىق داعدىنى دامىتۋ جونىندە كەڭەس الدى. بۇل قىزمەتتەرگە تۇيىندەمە جاساۋ, اڭگىمەلەسۋگە دايىندىق جانە وزەكتى بوس جۇمىس ورىندارىن ىرىكتەۋ كىرەدى.
جاستاردى كەشەندى قولداۋ اياسىندا ولاردى جۇمىسپەن قامتۋ بويىنشا دا جۇمىس كۇشەيتىلدى. جىل باسىنان بەرى 10,8 مىڭنان استام الماتىلىق جاس مامان جۇمىسقا ورنالاسۋ, كاسىبي باعدار جانە مانساپتىق داعدىنى دامىتۋ بويىنشا كەڭەس الدى. بۇل قىزمەتتەرگە تۇيىندەمە ازىرلەۋ, سۇحباتقا دايىندالۋ جانە جاريالانعان بوس جۇمىس ورىندارىن قاراستىرۋ سەكىلدى باعىتتار كىرەدى.
«پسيحولوگيالىق ءال-اۋقات – جاستاردىڭ تۇراقتى دامۋىنىڭ نەگىزى. ءبىزدىڭ مىندەتىمىز – كومەكتى قولجەتىمدى, ۋاقىتىلى ءارى تۇسىنىكتى ەتۋ. ءاربىر جاس ءوز قيىندىقتارىمەن جالعىز قالمايتىنىن بىلۋگە ءتيىس», دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
الماتى
