عىلىم جانە جوعارى ءبىلىم مينيسترلىگى
بيىل ۇبت-عا 187 مىڭعا جۋىق ادام قاتىسۋعا ءوتىنىش بەرگەن. بۇل وتكەن جىلمەن سالىستىرعاندا 20 مىڭعا كوپ. تەستىلەۋگە تىركەلگەن تالاپكەرلەردىڭ 75,2%-ى قازاق تىلىندە, 24,6%-ى ورىس تىلىندە, ال 189 ادام اعىلشىن تىلىندە تاپسىرۋدى تاڭداعان.
مينيسترلىك مالىمەتىنشە, تالاپكەرلەر ءوتىنىش بەرۋ بارىسىندا تەستىلەۋ كۇنىن, ۋاقىتىن جانە پۋنكتىن وزدەرى تاڭداعان.
ەڭ كوپ تاڭدالعان بەيىندىك پاندەر كومبيناتسياسى – «ماتەماتيكا-فيزيكا». بۇل باعىتتى تالاپكەرلەردىڭ 19,2%-ى تاڭداعان. اتالعان كومبيناتسيا بولاشاق مۇعالىمدەر, ينجەنەرلەر, مەحانيكتەر, تەحنيكتەر مەن تەحنولوگتار, ەنەرگەتيكتەر مەن قۇرىلىسشىلاردى دايارلاۋعا باعىتتالعان. ال 16,9% تالاپكەر «بيولوگيا-حيميا», 9,7% تالاپكەر «شىعارماشىلىق ەمتيحان» پاندەرىن تاڭداعان. بۇل سايكەسىنشە مەديتسينالىق جانە شىعارماشىلىق سالا ماماندىقتارىنا تۇسۋگە نيەتتى تالاپكەرلەر.
قاڭتاردا ۇبت-نى 187 مىڭ ادام تاپسىرادى
ۇبت بارىسىندا كالكۋلياتور, حيميالىق ەلەمەنتتەردىڭ پەريودتىق جۇيەسى (مەندەلەەۆ كەستەسى) جانە تۇزداردىڭ ەرىگىشتىك كەستەسى تەستىلەۋ باعدارلاماسىندا قولجەتىمدى بولادى. تەستىلەۋ اياقتالعاننان كەيىن تالاپكەرلەر 30 مينۋت ىشىندە اپەللياتسياعا ءوتىنىش بەرە الادى. اپەللياتسياعا ءوتىنىش بەرگەن تالاپكەرلەردىڭ سەرتيفيكاتى اپەللياتسيالىق كوميسسيا شەشىمىنەن كەيىن جەكە كابينەتىندە جاريالانادى.
2026 جىلى ۇلتتىق بىرىڭعاي تەستىلەۋدىڭ فورماتى وزگەرىسسىز قالادى. تالاپكەرلەر ءۇش مىندەتتى ءپان مەن ەكى بەيىندىك ءپاندى تاپسىرادى. ۇبت تاپسىرمالارىنىڭ جالپى سانى – 120. ونىڭ ىشىندە «قازاقستان تاريحى» ءپانى بويىنشا 20 تاپسىرما, «وقۋ ساۋاتتىلىعى» مەن «ماتەماتيكالىق ساۋاتتىلىق» پاندەرىنەن 10 تاپسىرمادان, سونداي-اق ەكى بەيىندىك ءپاننىڭ ارقايسىسىنان 40 تاپسىرمادان بەرىلەدى. ەڭ جوعارى بالل – 140.
تەستىلەۋ ۋاقىتى 4 ساعاتتى (240 مينۋت) قۇرايدى. ەرەكشە ءبىلىم بەرۋ قاجەتتىلىكتەرى بار تالاپكەرلەر ءۇشىن قوسىمشا 40 مينۋت ۋاقىت قاراستىرىلعان.
قاڭتاردا وتەتىن ۇبت-عا ءوتىنىش قابىلداۋ اياقتالدى
ايتا كەتەيىك, قاڭتارداعى ۇبت-عا شارتتى تۇردە اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعاندار, شىعارماشىلىق ءبىلىم بەرۋ باعدارلامالارىنان باسقا دايىندىق باعىتتارىنا نەمەسە پەداگوگيكالىق باعىتقا اقىلى نەگىزدە اۋىسقىسى كەلەتىندەر, وتكەن جىلعى مەكتەپ پەن كوللەدج تۇلەكتەرى, قر ازاماتى بولىپ تابىلمايتىن ۇلتى قازاق تۇلعالار, شەتەلدە ءبىلىم العان قر ازاماتتارى, سونداي-اق مەكتەپ بىتىرەتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى.
مينيسترلىك ۇبت ترانسفورماتسياسى 2027 جىلى باستالاتىنىن حابارلادى.
