فوتو: pixabay.com
عالىمداردىڭ ايتۋىنشا, تۇسكى ۋاقىتتا الىنعان كورونوگراف سۋرەتتەرىندە كۇننەن ءار باعىتقا تاراعان زات ماسساسى انىق كورىنەدى. الايدا جارىلىستىڭ وشاعى كۇننىڭ جەرگە كورىنبەيتىن ارعى بەتىندە ورنالاسقان. سول سەبەپتى ونى قازىرگى تاڭدا بىردە-ءبىر عارىشتىق سپۋتنيك تىكەلەي باقىلاي الماي وتىر.
زەرتحانا دەرەگىنشە, ەكى اپتا بۇرىن كۇننىڭ ءدال وسى بەتى جەرگە قاراعان كەزدە ايتارلىقتاي بەلسەندىلىك بايقالماعان. تەك ورتاشا دەڭگەيدەگى ەكى بەلسەندى ايماق تىركەلگەن.
استرونومدار جارىلىس سول ايماقتاردىڭ بىرىندە بولۋى مۇمكىن ەكەنىن ايتادى. زاتتىڭ تارالۋ باعىتىنا قاراعاندا, قۇبىلىس كۇن ديسكىسىنىڭ وڭ جاق تومەنگى بولىگىندە, ەكۆاتوردان تومەن ورنالاسقان داقتار توبىندا ورىن العان. كاتالوگتاعى ءنومىرى – 4321.
عالىمداردىڭ بولجامىنشا, جارىلىستىڭ ناقتى ورنىن كوزبەن كورۋ تەك شامامەن ءبىر اپتادان كەيىن مۇمكىن بولادى. سول كەزدە داقتار توبى كۇننىڭ شىعىس جيەگىنەن جەرگە قاراي كورىنە باستايدى.
