اكىمدىك 29 جاستاعى كۇدىكتىنىڭ وتباسى قاراپايىم تۇرمىس كەشەتىنىن, ەشقانداي ەسەپتە تۇرماعانىن ايتىپ وتىر. سۇلتان سارسەماليەۆتىڭ اتا-اناسى – زەينەتكەر. وسىعان دەيىن كورشىلەردەن شاعىم تۇسپەگەن, جانجال تىركەلمەگەن. ۇيدە 5 كامەلەتكە تولماعان بالا تۇرادى.
– ەكى بالا مەكتەپتە وقيدى, ساباقتان قالماي ءجۇر. تاعى ەكەۋى بالاباقشاعا بارادى. ءبىرى – جاڭا تۋعان ءسابي. تۇرمىس جاعدايى قاناعاتتانارلىق دەپ باعالاندى, – دەپ حابارلادى اكىمدىك.
سارسەماليەۆتىڭ اناسى ۇلىنىڭ قازىر قايدا ەكەنىن بىلمەيتىنىن ايتقان. بۇعان دەيىن ۇلى ءاردايىم بايلانىستا بولعان, الاڭداتاتىن بەلگى بايقالماعان.
سۇلتان سارسەماليەۆكە ىزدەۋ جاريالاندى. ويتكەنى, قازىرگى ۋاقىتتا قىلمىستىق ءىس بويىنشا باستى كۇدىكتى بولىپ تۇر.
– تەرگەۋ وقيعانىڭ بارلىق ءمان-جايىن انىقتاپ, وزگە تۇلعالاردىڭ ىقتيمال قاتىستىلىعىن تەكسەرىپ جاتىر, – دەپ حابارلادى پوليتسيا.
اتىراۋداعى جوعالعان وتباسىنىڭ قىزى مەن بالاسىن سۇڭگۋىرلەر ىزدەپ, تابا المادى.
اتىراۋ وبلىسىندا جوعالىپ كەتكەن وتباسى: تىڭ دەرەكتەر جاريالاندى
