ماڭعىستاۋ وبلىسىنىڭ ورتالىعىنداعى شاعىناۋدانداردىڭ بىرىندە تۇنگى ۋاقىتتا ەر ادام سوققىعا جىعىلعان. وقيعا ءساتى تۇسىرىلگەن بەينەجازبا الەۋمەتتىك جەلىلەردە تارادى. كادرلاردا ەكى ەر ادامنىڭ ءۇشىنشى ءبىر ادامدى كولىكتەن سۇيرەپ شىعارىپ, جەرگە قۇلاتىپ, قولىمەن جانە اياعىمەن ۇرىپ-سوققانى كورىنەدى.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە, وقيعا 7 قاڭتار كۇنى ساعات 02:00 شاماسىندا اقتاۋدىڭ 38-شاعىناۋدانىندا, №11 ءۇيدىڭ ماڭىندا بولعان.
اتالعان دەرەك بويىنشا قىلمىستىق كودەكستىڭ 293-بابى (بۇزاقىلىق) بويىنشا قىلمىستىق ءىس قوزعالدى.
وقيعاعا قاتىسقانداردىڭ بارلىعى – 17 مەن 25 جاس ارالىعىنداعى جاستار. شابۋىل جاساعان ەكى ادامنىڭ ءبىرى – 17 جاستاعى كامەلەتكە تولماعان. ەكىنشى, كامەلەت جاسىنا تولعان كۇدىكتى ۇستالىپ, ۋاقىتشا ۇستاۋ يزولياتورىنا قامالدى.
قازىرگى ۋاقىتتا اقتاۋ قالالىق پوليتسيا باسقارماسىنىڭ تەرگەۋ ءبولىمى وقيعانىڭ بارلىق ءمان-جايىن جان-جاقتى, تولىق ءارى وبەكتيۆتى انىقتاۋعا باعىتتالعان تەرگەۋ جانە پروتسەسسۋالدىق ءىس-شارالار كەشەنىن جۇرگىزىپ جاتىر.
