فوتو: ەرلان ومار
ەڭبەك جانە حالىقتى الەۋمەتتىك قورعاۋ مينيسترلگىنىڭ مالىمەتىنشە, بولىنگەن قارجىنىڭ 99,3%-ى نەمەسە 6 ترلن 783 ملرد ازاماتتاردىڭ الەۋمەتتىك تولەمدەرىنە باعىتتالادى.
ونىڭ ىشىندە 4 ترلن 890 ملرد تەڭگە 2,6 ملن زەينەتكەردى زەينەتاقىمەن قامتۋعا, 1 ترلن 893 ملرد تەڭگە وزگە جاردەماقىلاردى تولەۋگە مۇمكىندىك بەرەدى. بۇل شامامەن 2,3 ملن ادامدى الەۋمەتتىك تولەممەن قامتيدى.
قالعان قاراجات مۇگەدەكتىگى بار ادامدارعا پروتەزدىك-ورتوپەديالىق كومەك كورسەتۋ, ەستۋ قابىلەتى بۇزىلعان بالالارعا ەستۋ-سويلەۋدى وڭالتۋ, وڭالتۋ ورتالىقتارىن سالۋ, زەينەتاقى مەن جاردەماقى تولەۋدى قامتاماسىز ەتۋ بويىنشا قىزمەتتەر كورسەتۋگە بولىنەدى.
«زەينەتاقى, جاردەماقى, ايىپپۇل»: 2026 جىل ەل تۇرعىندارىنا قانداي وزگەرىس اكەلەدى؟
مينيسترلىك مالىمەتىنشە, بۇگىندە رەسپۋبليكالىق بيۋدجەت قاراجاتى ەسەبىنەن بازالىق جانە ىنتىماقتى زەينەتاقىنى قوسا العاندا, الەۋمەتتىك تولەمدەردىڭ 41 ءتۇرى تولەنەدى.
