فوتو: Acquire Licensing Rights
قما قىزىلوردا وبلىسى بويىنشا دەپارتامەنتى تسيفرلىق اكتيۆتەردىڭ زاڭسىز اينالىمىن ۇيىمداستىرۋ جانە ەسىرتكى ساتۋدان تۇسكەن كىرىستەردى زاڭداستىرۋ دەرەگى بويىنشا تەرگەۋدى اياقتادى. ءبىر جىل بويى كاسىبي اقشا جىلىستاتۋشىلار توبى تسيفرلىق اكتيۆتەردى ايىرباستاۋ وپەراتسيالارىن جۇرگىزگەن.
كريپتوامياندار ارقىلى وتكەن جالپى اينالىم 1,88 ملرد تەڭگەدەن استى.
«سونىمەن قاتار, كۇدىكتىلەر «Fresh», «Butterfly», «CrystalOrganic», «تراۋتۆايت نون كيۆي» جانە «SkittyShop» Telegram-ارنالارى ارقىلى ەسىرتكى ساتۋدان تۇسكەن 603 ملن تەڭگەنى زاڭداستىرعان. سحەمادا شەتەل ازاماتتارىنىڭ اتىنا تىركەلگەن دروپ-كارتالاردىڭ ۇيىمداسقان جەلىسى پايدالانىلعان», دەلىنگەن حابارلامادا.
قىلمىستىق جولمەن الىنعان تابىسقا كۇدىكتىلەر تۇرعىن ءۇي, پاتەر, 5 اۆتوكولىك ساتىپ الىپ, سونداي-اق وتباسىلىق مەيرامحانا سالعان. سوتتىڭ سانكتسياسىمەن اتالعان م ۇلىككە تىيىم سالىندى. قىلمىستىق ءىس سوتقا جولداندى. ەكى كۇدىكتى قاماۋعا الىندى.
قر قپك-ءنىڭ 201-بابىنا سايكەس وزگە اقپارات جاريا ەتۋگە جاتپايدى.
