فوتو: اقوردا
قاسىم-جومارت توقاەۆ كوپشىلىككە جەكە ءومىرىن اشىپ كورسەتۋدى ءجون كورمەيتىنىن, الايدا كاسىبي قىزمەتى مەن ىشكى ۇستانىمى تۋرالى اشىق ايتۋعا دايىن ەكەنىن جەتكىزدى.
«مەن 1975 جىلى كسرو سىرتقى ىستەر مينيسترلىگىنىڭ تابالدىرىعىن العاش رەت اتتادىم, مەملەكەتتىك قىزمەتكە كەلگەنىمە بىلتىر 50 جىل بولدى», دەدى پرەزيدەنت.
پرەزيدەنتتىڭ ايتۋىنشا, العاشقى ماماندىعى – قىتايتانۋشى. بۇل سالا ەرەكشە تاباندىلىقتى, ۇقىپتىلىقتى جانە ۇزاق ۋاقىت بويى جۇيەلى ەڭبەكتى تالاپ ەتەدى.
«شىنىمەن دە, ماتىنمەن جۇمىس ىستەۋگە ابدەن داعدىلانعانمىن, ناشار ءستيلدى, اسىرەسە, ءارىپ قاتەسىن سۋقانىم سۇيمەيدى. جولداۋلارىمدى, سويلەيتىن سوزدەرىمدى, ماقالالارىمدى, ءتىپتى, ارىپتەستەرىمە جولداناتىن حاتتاردىڭ ءبارىن تىكەلەي ءوزىم قارايتىنىمدى اپپاراتتاعىلاردىڭ بارلىعى بىلەدى», دەدى قاسىم-جومارت توقاەۆ.
مەملەكەت باسشىسى سانالى عۇمىرى تەمىردەي ءتارتىپتى, جوعارى جاۋاپكەرشىلىكتى جانە جۇيەلى جۇمىستى تالاپ ەتەتىن مەملەكەتتىك قىزمەتتە وتكەنىن ايتتى. بۇل ومىرلىك جول ونىڭ مىنەز-قۇلقى مەن كوزقاراسىنا تىكەلەي ىقپال ەتكەن.
ء«سىز كىمسىز؟» دەگەن ساۋالعا پرەزيدەنت قىسقا ءارى نىق جاۋاپ بەردى:
«مەن – مەملەكەتشىل اداممىن».
