اتاپ ايتقاندا, اۋىل شارۋاشىلىعى مينيسترلىگى «Mars Petcare Kazakhstan» جشس-مەن قوناەۆ قالاسىندا زاۋىت سالۋ تۋرالى كەلىسىم جاسادى. ينۆەستيتسيانىڭ جالپى كولەمى 88,8 ملرد تەڭگەدەن اساتىن كاسىپورىننىڭ جوبالىق قۋاتى – جىلىنا 100 مىڭ توننا ءونىم.
– 2030 جىلدىڭ 31 جەلتوقسانىنا دەيىن نىساندى سالۋ جانە پايدالانۋعا بەرۋ جوسپارلانعان. جۇمىس 2031 جىلدىڭ 1 قاڭتارىنان باستالادى. زاۋىتتا 200 جۇمىس ورنى اشىلادى, ونىڭ كەمىندە 85%-ى قازاقستاندىقتاردىڭ ۇلەسىنە تيەسىلى. سونىمەن قاتار كومپانيا كادرلاردى وقىتۋ جانە ولاردىڭ بىلىكتىلىگىن ارتتىرۋ بويىنشا ءىس-شارالار وتكىزۋدى جوسپارلاپ وتىر, – دەلىنگەن حابارلامادا.
جوبانى جۇزەگە اسىرۋ ەلىمىزدىڭ وڭدەۋ ونەركاسىبىن دامىتۋعا ەلەۋلى ۇلەس قوسىپ, قوسىلعان قۇنى جوعارى ونىمدەر جەلىسىن كەڭەيتۋگە, يمپورتقا تاۋەلدىلىكتى ازايتۋعا جانە وڭىردە تۇراقتى وندىرىستىك بازانى قالىپتاستىرۋعا مۇمكىندىك بەرەدى.
