ماڭعىستاۋ وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, ءورت 2 قاڭتار كۇنى ساعات 21:15 شاماسىندا 12-شاعىناۋدانداعى №70 ۇيدە تىركەلگەن.
قۇتقارۋشىلار وقيعا ورنىنا جەتكەن كەزدە ءۇشىنشى قاباتتاعى پاتەرلەردىڭ بىرىنەن ءورت شىققانى انىقتالعان.
«پاتەر ىشىندە ەلەكتر سىمدارىنىڭ قىسقا تۇيىقتالۋى سالدارىنان ءورت شىققان. ءورتتىڭ شارپىعان اۋماعى 1 شارشى مەتر. ءورت ساعات 21:22-دە تولىقتاي ءسوندىرىلدى. قازا تاپقاندار مەن زارداپ شەككەندەر جوق», دەپ مالىمدەدى قۇتقارۋشىلار.
وقيعا ورنىندا 11 قۇتقارۋشى جانە 3 ارنايى تەحنيكا جۇمىلدىرىلدى. ءورت بولعان ءساتتىڭ ۆيدەوسى الەۋمەتتىك جەلىلەردە جاريالاندى.
