بەينەروليكتە ورىنبور وڭىرىندە ءومىر سۇرگەن قازاقتاردىڭ تۇرمىس-تىرشىلىگى مەن سىرتقى كەلبەتىن بەينەلەيتىن ارحيۆتىك فوتوسۋرەتتەر پايدالانىلعان. ماتەريالدار e-history.kz سايتىنان الىنعان.
ۆيدەو اۆتورىنىڭ ايتۋىنشا, بۇل جۇمىس شامامەن ءبىر جىل بۇرىن نەيروجەلىلەردىڭ مۇمكىندىگى شەكتەۋلى كەزەڭدە جاسالعان. قازىرگى تاڭدا روليك ۆيزۋالدى ەكسپەريمەنت رەتىندە ءارى ءوڭىر تاريحىن ەسكە سالۋ ماقساتىندا قايتا جاريالانىپ وتىر.
ايتا كەتەيىك, ورىنبور قازاقتارى – ورىنبور وبلىسىنداعى ەڭ ءىرى ۇلتتىق قاۋىمداردىڭ ءبىرى.
تاريحي تۇرعىدان العاندا, بۇل اۋماقتار قازاق دالاسىمەن تىعىز بايلانىستى بولدى. XVII-XVIII عاسىرلاردا ءوڭىر قازاق رۋلارى, جوڭعارلار جانە تسين يمپەرياسى اراسىنداعى تۇراقتى قاقتىعىستار ايماعىنا اينالدى. XVIII عاسىردىڭ ورتاسىندا قازاق تايپالارىنىڭ ءبىر بولىگى رەسەيگە انت بەرىپ, وسىدان كەيىن 1735 جىلى جايىق وزەنىنىڭ بويىندا ورىنبور قالاسى اسكەري بەكىنىس ءارى اكىمشىلىك ورتالىق رەتىندە نەگىزى قالاندى.
كەيىننەن قالانىڭ اينالاسىندا قورعانىس شەپتەرى مەن شاعىن بەكىنىستەر پايدا بولدى. سولاردىڭ ءبىرى – يلەتسك قورعانىسى, ونىڭ ورنىندا كەيىن سول-يلەتسك قالاسى بوي كوتەردى.
كەڭەس داۋىرىندە دە ورىنبور قازاق مەملەكەتتىلىگىنىڭ تاريحىندا ماڭىزدى ءرول اتقاردى. ازامات سوعىسىنان كەيىن قىرعىز (قازاق) اۆتونوميالىق كەڭەستىك سوتسياليستىك رەسپۋبليكاسى قۇرىلىپ, 1920-1925 جىلدارى ونىڭ استاناسى ورىنبور قالاسى بولدى.
قازىرگى تاڭدا قازاقتار ورىنبور وبلىسى حالقىنىڭ شامامەن 6 پايىزىن قۇرايدى جانە سانى جاعىنان ءۇشىنشى ءىرى ەتنوستىق توپ سانالادى.
