بىلتىر قىستا باياناۋىلدىڭ قارلى تاۋلارىن, قاراعايلى ورمانى مەن تابيعي ەسكەرتكىشتەرىن تاماشالاۋعا 15 مىڭداي ادام كەلگەن. ال وتكەن جازدا 170 مىڭنان استام دەمالۋشىنى قابىلداعان جاسىباي, سابىندىكول جانە تورايعىر دەمالىس ايماقتارىندا قىسقى تۋريزمگە ءمان بەرىلىپ وتىر. جالپى وڭىردە باياناۋىل اۋدانىنىنىڭ تۋريستىك الەۋەتىن ارتتىرۋعا باعىتتالعان بىرنەشە ينۆەستيتسيالىق جوبا جۇزەگە اسۋدا.
– بۇل وڭىرگە جىل ون ەكى اي تۋريستەر لەگى تولاستامايدى. قازىر مۇندا 8 دەمالىس ورنى تۇراقتى جۇمىس ىستەپ تۇر. ال جاڭا جىلدىق دەمالىس كۇندەرى ساياحاتشىلار سانى ەسەلەپ ارتادى دەگەن بولجام بار. ويتكەنى ينفراقۇرىلىم جىلدان جىلعا جاقسارىپ كەلەدى, – دەپ حابارلادى باياناۋىل اۋداندىق اكىمدىگىنەن.
باياناۋىلدا اتاقتى قوڭىر اۋليە ۇڭگىرى, كەمپىرتاس, تورايعىر وڭىرىندەگى ساكەن شىڭى سياقتى بىرەگەي تابيعي ەسكەرتكىشتەر ورنالاسقان. بۇل جەرلەرگە ساياحاتشىلار ءۇشىن ارنايى تۋريستىك باعىتتار ۇيىمداستىرىلادى. تۋريستەرگە قولايلى جاعداي جاساۋ ماقساتىندا بيىل ساپار ورتالىعىنىڭ قۇرىلىسى باستالدى. مۇندا باياناۋىلعا قاتىستى بارلىق قاجەتتى اقپارات ءبىر جەردەن ۇسىنىلادى.
تاعى ءبىر تانىمال تۋريستىك باعىت – مىرزاشوقى تاۋ-شاڭعى كەشەنى. بۇل ۇزىندىعى 960 مەترلىك ارقان جولى بار دەمالىس نىسانى. اسىرەسە ەكسترەمالدى سپورت ءتۇرىن ۇناتاتىندار ءۇشىن قىزىقتى.
پاۆلولار وبلىسى
