اۋىل تۇرعىندارىنىڭ ايتۋىنشا, الدىمەن ۇلى ناۋرىز اقتاۋ باعىتىنا جۇمىسقا كەتەتىنىن ايتىپ, سودان كەيىن بايلانىسقا شىقپاعان. 2025 جىلدىڭ قازان ايىندا بۇكىل وتباسى اۋىلدان دارىگەرگە قارالۋ ءۇشىن كەتكەنى ايتىلعانىمەن, ناقتى باعىتى مەن بارعان جەرى انىقتالماعان.
وتباسى كەتكەننەن كەيىن WhatsApp ارقىلى ۇلىنىڭ اتىنان مال ساتىلىپ, قاراجات Kaspi قوسىمشاسى ارقىلى اكەسىنىڭ شوتىنا اۋدارىلعانى بەلگىلى بولعان. سونىمەن قاتار ولاردىڭ تاكسي قىزمەتىن پايدالانباعانى جانە قالاارالىق اۆتوبۋس بيلەتتەرىن الماعانى ايتىلادى. وسىعان بايلانىستى وتباسى جەكە كولىكپەن اكەتىلۋى مۇمكىن دەگەن بولجام بار.
پوليتسياعا رەسمي ارىز 2025 جىلعى 25 جەلتوقساندا تۇسكەن. قازىرگى ۋاقىتتا ىزدەستىرۋ شارالارى جۇرگىزىلىپ, باعىتتامالار ەلدىڭ وزگە وڭىرلەرىنە, سونىڭ ىشىندە ماڭعىستاۋ وبلىسى اۋماعىنا جولدانعان.
اتالعان ادامداردىڭ بارلىعى III توپتاعى مۇگەدەك رەتىندە تىركەلگەن. قانداي دا ءبىر اقپاراتقا يە ازاماتتاردان قۇقىق قورعاۋ ورگاندارىنا حابارلاسۋ سۇرالادى.
