فوتو: كادر يز ۆيدەو REUTERS/Leon Ritzen / x/EnBogaMx
ءورتتىڭ بارىسى
ءورت تۇنگى 00:00 شاماسىندا باستالعان. ءبىر ساعات وتكەن سوڭ ول ءىرى اۋقىمدى دەپ تانىلعان. سەبەبى وت تەز تارالعان. ال, اۋدان تىعىز ورنالاسقان تۇرعىن ۇيلەرمەن قورشالعان ەدى. اپاتتىڭ اۋىرلىعىن ەسكەرە وتىرىپ, Grip 2 دەڭگەيىندەگى ايماقتىق توتەنشە جاعداي جاريالاندى. بۇل دەڭگەي بىرنەشە قالالىق جانە ايماقتىق قۇتقارۋ قىزمەتتەرىنىڭ ۇيلەسىمدى جۇمىسىن تالاپ ەتەدى.
باستى مىندەت – تۇرعىنداردىڭ قاۋىپسىزدىگى
«بۇل مونۋمەنتالدى شىركەۋدەگى كۇشتى جانە قورقىنىشتى ءورت. الدىمەن ءبىز جاقىن ۇيلەردىڭ تۇرعىندارىنىڭ قاۋىپسىزدىگىن قامتاماسىز ەتۋىمىز كەرەك», دەدى مەر فەمكە حالسەما.
جاقىن ماڭداعى ۇيلەردەن تۇرعىندار ەۆاكۋاتسيالاندى. اۋدان تۇرعىندارىنا NL-Alert جۇيەسى ارقىلى قاتتى تۇتىنگە بايلانىستى ەسكەرتۋ جىبەرىلىپ, كەڭەستەر ۇسىنىلدى. شىركەۋ اينالاسىنداعى بارلىق كوشەلەر جابىلدى.
ۆوندەلكەرك تۋرالى
ۆوندەلكەرك شىركەۋى 1872 جىلى سالىنعان تاريحي نىسان. باستاپقىدا ول كاتوليكتىك قىزمەت اتقارعان, 1977 جىلعا دەيىن ءدىني ماقساتتا پايدالانىلعان. سوڭعى بىرنەشە ونجىلدىقتا عيمارات مەرەكەلىك ءىس-شارالار وتكىزۋگە جانە شاعىن كاسىپورىندارعا ارنالعان ورىن رەتىندە قولدانىلعان.
2025 جىلى ەل اۋماعىندا قانداي الاپات ءورت وقيعالارى تىركەلدى؟
