سونىمەن بىرگە, ۋاكىلەتتى مەملەكەتتىك ورگاندار قازاقستانعا كەلمەي-اق ونلاين فورماتتا بىرقاتار مەملەكەتتىك قىزمەتتەر مەن سەرۆيستەردى الۋعا مۇمكىندىك بەرەتىن eResidency باعدارلاماسىن ىسكە قوسقانى اتاپ وتىلگەن. باعدارلاما اياسىندا جسن قامتىلعان تسيفرلىق ID-كارتا الۋ دا قاراستىرىلعان.
ەلشىلىكتىڭ تۇسىندىرۋىنشە, بۇل باستاما شەتەلدىكتەرگە قازاقستاندا رەسمي تسيفرلىق مارتەبە راسىمدەپ, ەلدىڭ بيزنەس مۇمكىندىكتەرى مەن ونلاين سەرۆيستەرىن پايدالانۋعا جول اشادى.
eResidency باعدارلاماسى ارقىلى مىنالارعا قول جەتكىزۋگە بولادى:
- جسن كورسەتىلگەن تسيفرلىق ID-كارتانى الۋ;
- قور نارىقتارىنا, كريپتوبيرجالارعا جانە قازاقستاندىق ءنومىرى بار eSIM-گە قول جەتكىزۋ;
- ەلەكتروندىق تسيفرلىق قولتاڭبا (ەتسق) مەن ساقتاندىرۋ قىزمەتتەرىن راسىمدەۋ;
- قازاقستاندىق كارتالاردى پايدالانىپ, ونلاين بانك شوتتارىن اشۋ;
- تولەم قىزمەتتەرىنە قاتىستى سالىقتىق رەزيدەنتتىك پەن ەكۆايرينگ مۇمكىندىكتەرىن الۋ.
