تاڭەرتەڭنەن باستاپ كوشە-جول جەلىسىن تازالاۋعا شامامەن 3 000 جول جۇمىسشىسى مەن 1 400-دەن استام ارنايى تەحنيكا جۇمىلدىرىلدى. جۇمىس نەگىزگى ماگيسترالداردا, كۆارتالىشىلىك جولداردا, تروتۋارلار مەن جاياۋ جۇرگىنشىلەر ايماقتارىندا ءجۇرىپ جاتىر.
قىس مەزگىلى باستالعالى بەرى قار پوليگوندارىنا جالپى كولەمى 1 376 655 تەكشە مەتر قار شىعارىلدى. بۇل 105 413 اۋىر جۇك كولىگىنىڭ رەيسىنە تەڭ.
قالا تۇرعىندارىنىڭ قاۋىپسىز قوزعالىسىن قامتاماسىز ەتۋ ماقساتىندا جولدارعا, تروتۋارلار مەن جاياۋ جۇرگىنشىلەر ايماقتارىنا كوكتايعاققا قارسى ماتەريالدار سەبىلىپ جاتىر. قىس مەزگىلى باستالعالى بەرى شامامەن 4 000 توننا تەحنيكالىق تۇز پايدالانىلدى. قالانى تازالاۋ جانە وڭدەۋ جۇمىسى تاۋلىك بويى جالعاسىپ جاتىر.
استانا قالاسىنىڭ اكىمدىگى تۇرعىندار مەن قالا قوناقتارىن جولدار مەن تروتۋارلاردا مۇقيات بولۋعا, قاۋىپسىزدىك شارالارىن ساقتاۋعا جانە ساپارعا شىعار الدىندا اۋا رايى جاعدايىن ەسكەرۋگە شاقىرادى.
