جوسپارعا سايكەس, كەلەسى جىلدان باستاپ وتشاشۋ قولدانۋ تەك ارنايى شوۋلاردى ۇيىمداستىراتىن كاسىبي ماماندارعا عانا رۇقسات ەتىلەدى. ال قاراپايىم ازاماتتارعا تولىقتاي تىيىم سالىنادى.
قۇقىق قورعاۋ ورگاندارى مۇنداي شەشىمگە سەبەپ جەتكىلىكتى ەكەنىن ايتادى. كەيىنگى جىلدارى نيدەرلاندىدا زاڭسىز اينالىم بىرنەشە ەسە ارتقان. پوليتسيانىڭ دەرەگىنشە, جەلتوقسان ايىنىڭ ورتاسىنا قاراي 65 توننادان استام زاڭسىز پيروتەحنيكالىق بۇيىم تاركىلەنگەن.
زارداپ شەككەندەر سانى دا كوبەيگەن. قاراشا ايىنان جەلتوقساننىڭ ورتاسىنا دەيىن 10 ءجاسوسپىرىمنىڭ قولىنا امپۋتاتسيا جاساۋعا تۋرا كەلگەن.
تىيىم سالۋ باستاماسىن قوعامنىڭ باسىم بولىگى قولداپ وتىر. I&O Research جۇرگىزگەن ساۋالناماعا سايكەس, ەل تۇرعىندارىنىڭ 62%-ى جەكە پيروتەحنيكادان تولىق باس تارتۋدى قولدايدى.
ايتا كەتۋ كەرەك, مەرەكە قارساڭىندا وتشاشۋعا دەگەن قىزىعۋشىلىق قازاقستاندا دا ارتىپ وتىر. Sarapshy دەرەگىنشە, قازاقستان وتشاشۋدى ەڭ كوپ قاراشا مەن جەلتوقسان ايلارىندا, ياعني, جاڭا جىلعا 2 اي قالعاندا جاپپاي يمپورتتايدى. كەيىنگى 5 جىلدا نەگىزگى يمپورتتاۋشى ەلدەر قىتاي, رەسەي, قىرعىزستان بولعان. الايدا 2024 جىلدان باستاپ كورشى ەلدەن يمپورت تولىق توقتاتىلعان.
