عىلىمي-تەحنيكالىق كەڭەس بەكىتىلگەن ەرەجەگە سايكەس قۇرىلدى, ول سونداي-اق اگەنتتىك قىزمەتىنە كاسىبي ساراپتامالىق قولداۋ كورسەتۋگە ارنالعان. كەڭەستىڭ نەگىزگى مىندەتتەرى − اتوم سالاسىن عىلىمي-تەحنيكالىق دامىتۋدىڭ باسىم باعىتتارى بويىنشا ۇسىنىمدار ازىرلەۋ, عىلىمي جانە تەحنولوگيالىق باعدارلامالاردى قاراۋ, سونداي-اق عىلىمي كۇن ءتارتىبىن قالىپتاستىرۋعا قاتىسۋ.
ءبىرىنشى وتىرىس بارىسىندا اتوم عىلىمىن دامىتۋدىڭ ۇزاق مەرزىمدى عىلىمي-تەحنيكالىق باعدارلاماسىن قالىپتاستىرۋ تاسىلدەرى, عىلىمي جوبالاردى ساراپتامالىق سۇيەمەلدەۋ ماسەلەلەرى جانە جەر قويناۋىن پايدالانۋشىلاردىڭ قاراجاتى ەسەبىنەن ۋران وندىرۋگە جۇمسالاتىن شىعىنداردىڭ ءبىر پايىزى مولشەرىندە ىسكە اسىرىلاتىن جوبالاردى قوسا العاندا, عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى قارجىلاندىرۋ تەتىكتەرى قارالدى. قاراجاتتى ۇتىمدى پايدالانۋ قاجەتتىلىگىنە جانە ولاردىڭ سالا مەن ەكونوميكا ءۇشىن پراكتيكالىق ماڭىزى بار قولدانبالى مىندەتتەرگە باعىتتالۋىنا ەرەكشە نازار اۋدارىلدى.
عىلىمي-تەحنيكالىق كەڭەستىڭ قۇرامىنا جەتەكشى عالىمدار مەن ساراپشىلار, مەملەكەتتىك ورگانداردىڭ, ۇلتتىق كومپانيالاردىڭ, دامۋ ينستيتۋتتارى مەن بەيىندى ۇيىمدار مەن ۋنيۆەرسيتەتتەردىڭ وكىلدەرى كىردى. كەڭەس مۇشەلەرىنىڭ جارتىسىنان كوبى عىلىمي دارەجەلەرگە يە, بۇل اتوم سالاسىن دامىتۋدىڭ نەگىزگى ماسەلەلەرىن قاراۋ كەزىندە عىلىمي نەگىزدىلىك پەن كاسىبي ساراپتامانىڭ جوعارى دەڭگەيىن قامتاماسىز ەتەدى.
عىلىمي-تەحنيكالىق كەڭەستىڭ جۇمىسىن ۇيىمداستىرۋدى جانە ۇيلەستىرۋدى قازاقستان رەسپۋبليكاسى اتوم ەنەرگياسى اگەنتتىگىنىڭ عىلىم جانە يننوۆاتسيالار دەپارتامەنتى جۇزەگە اسىرادى.
