فوتو: كولىك مينيسترلىگى
بۇرىنعى كەلىسىمشارت بۇزىلدى
اتالعان باعىت بويىنشا بۇعان دەيىن «Otpan Logistik» جشس جەكە تاسىمالداۋشىسى قىزمەت كورسەتىپ كەلگەن. ۆاگونداردىڭ تەحنيكالىق جاي-كۇيىنە قاتىستى حالىق تاراپىنان كوپتەگەن شاعىمدار تۇسۋىنە بايلانىستى, سونداي-اق جىلجىمالى قۇرامدى جاڭارتۋ جونىندەگى مىندەتتەمەلەردىڭ ورىندالماۋىنا وراي كومپانيامەن جاسالعان كەلىسىمشارت بۇزىلدى.
ۆاگوندار وتاندىق ءوندىرىس
قازىرگى ۋاقىتتا جولاۋشىلار تاسىمالى ۇلتتىق تاسىمالداۋشى – «جولاۋشىلار تاسىمالى» اق قۇرامىنداعى پويىزدارمەن جۇزەگە اسىرىلىپ جاتىر. پويىز وتاندىق وندىرىستە شىعارىلعان جاڭا جولاۋشىلار ۆاگوندارىمەن قامتاماسىز ەتىلگەن.
پويىز قۇرامىندا 5 كۋپە جانە 6 پلاتسكارت ۆاگونى بار. ءبىر باعىتتاعى جالپى سىيىمدىلىعى 400-دەن استام جولاۋشىنى قۇرايدى.
زاماناۋي تالاپقا ساي
ۆاگوندار قاۋىپسىزدىك جانە جايلىلىق بويىنشا زاماناۋي تالاپتارعا تولىق سايكەس كەلەدى. كۋپە ۆاگوندارى ەرگونوميكالىق ورىندارمەن, جەكە جارىقديودتى شامدارمەن, USB-پورتتارمەن جانە ەلەكتر روزەتكالارىمەن جابدىقتالعان. ەرەكشە قاجەتتىلىگى بار جولاۋشىلار ءۇشىن ارنايى كۋپەلەر, مۇگەدەكتەر ارباسىن ورنالاستىرۋعا ارنالعان ورىندار جانە جولسەرىكتى شاقىرۋ تۇيمەسى قاراستىرىلعان.
ايتا كەتەيىك, ۇلتتىق تاسىمالداۋشى جۇزەگە اسىراتىن جولاۋشىلار تاسىمالى كلينينگكە, جىلجىمالى قۇرامنىڭ تەحنيكالىق جاي-كۇيىنە جانە قىزمەت كورسەتۋ دەڭگەيىنە قويىلاتىن بىرىڭعاي ساپا ستاندارتتارىنا سايكەس اتقارىلادى.
