«جىل ۇزدىگى - 2025» اتاعىنىڭ يەگەرلەرىن ءوڭىر باسشىسى ەربول قاراشوكەەۆ ارنايى ماراپاتتاپ, سپورت سالاسىندا تولايىم تابىسقا قول جەتكىزگەن سايىپقىراندارعا قۇرمەت كورسەتتى.
ءوڭىر باسشىسى قۇتتىقتاۋ سوزىندە مەملەكەت قولداۋىنىڭ ارقاسىندا سپورت ينفراقۇرىلىمىن دامىتۋعا, بالالار مەن جاسوسپىرىمدەر سپورتىن قولداۋعا, سونداي-اق ۇلتتىق, وليمپيادالىق, پاراليمپيادالىق جانە سۋردليمپيادالىق سپورت تۇرلەرىن وركەندەتۋگە ەرەكشە ءمان بەرىلىپ وتىرعانىن اتاپ ءوتتى.
بۇگىندە جامبىل وبلىسىندا 2465 سپورت نىسانى جۇمىس ىستەيدى, ونىڭ 112-ءسى بيىل پايدالانۋعا بەرىلدى. 2025 جىلى ءوڭىر سپورتشىلارى رەسپۋبليكالىق جانە حالىقارالىق دەڭگەيدەگى رەسمي جارىستاردا 1 856 مەدال جەڭىپ الدى.
«جىل ۇزدىگى – 2025» اتاعى اياسىندا 26 نوميناتسيا بويىنشا 30 ادامعا ديپلومدار مەن قارجىلاي سەرتيفيكاتتار تابىستالدى.
سونىمەن قاتار سپورتتى دامىتۋعا سۇبەلى ۇلەس قوسقان بىرقاتار ازامات ءوڭىر باسشىسىنىڭ «وبلىسقا سىڭىرگەن ەڭبەگى ءۇشىن» بەلگىسىمەن, قۇرمەت گراموتاسىمەن جانە العىسحاتىمەن ماراپاتتالدى.
