گەرمانيادا بۇرىن-سوڭدى بولماعان ۇرلىق جاسالدى

DW مالىمەتىنشە, قىلمىس Sparkasse بانكىنىڭ بولىمشەسىندە بولعان. قاراقشىلار بانك سەيفتەرى تۇرعان بولمە مەن اۆتوتۇراقتىڭ اراسىنداعى بەتون قابىرعانى بۇرعىلاپ تەسىپ وتكەن. بۇل اقپاراتتى پوليتسيا 30 جەلتوقساندا رەسمي تۇردە حابارلادى.

پوليتسيا قاراقشىلاردىڭ ارەكەتىن كاسىبي دەڭگەيدە ۇيىمداستىرىلعان دەپ باعالاپ وتىر. كۋاگەرلەر 28 جەلتوقسان كۇنى كەشكە اۆتوتۇراقتا ۇلكەن سومكەلەر كوتەرىپ جۇرگەن ەر ادامداردى كورگەن. ال 29 جەلتوقسان كۇنى تاڭەرتەڭ بەينەباقىلاۋ كامەرالارى اۆتوتۇراقتان قارا ءتۇستى Audi RS 6 كولىگىنىڭ شىققانىن تىركەگەن. كولىكتىڭ ءنومىرى بۇعان دەيىن گاننوۆەردە ۇرلانعان بولىپ شىقتى.

DPA دەرەگىنشە, سەيفتەردەن قولما قول اقشا, التىن جانە زەرگەرلىك بۇيىمدار الىنعان. ال Associated Press شىعىن كولەمى 10 ملن ەۋرو مەن 90 ملن ەۋرو ارالىعىندا بولۋى مۇمكىن ەكەنىن حابارلادى.

Sparkasse بانكىنىڭ ايتۋىنشا, ءاربىر سەيف 10 300 ەۋروعا دەيىن ساقتاندىرىلعان. سوعان قاراماستان بانك الدىنا 29 جانە 30 جەلتوقساندا نارازى كليەنتتەر جينالعان. ولاردىڭ سوزىنشە, جوعالعان م ۇلىكتىڭ قۇنى ساقتاندىرۋ سوماسىنان الدەقايدا جوعارى. جالپى العاندا بۇل وقيعادان شامامەن 2700 ادام زارداپ شەككەن.