فوتو: اشىق دەرەككوز
Investbanq قازاقستانداعى مىس سالاسىنداعى مامىلەدە قارجىلىق جانە ينۆەستيتسيالىق كەڭەسشى رەتىندە قىزمەت اتقاردى. كەلىسىمگە قازاقستاندىق Verum Mining كومپانياسى مەن قىتايلىق Lygend Resources & Technology Co., Ltd. كورپوراتسياسى قاتىستى. مامىلە اياسىندا ستراتەگيالىق ينۆەستور تارتىلىپ, بىرلەسكەن كاسىپورىن قۇرىلدى جانە قازاقستاندىق تاراپتىڭ ۇلەسىن ساقتاي وتىرىپ, ينۆەستيتسيالىق قۇرىلىم قالىپتاستىرىلدى. مامىلەنىڭ العاشقى كەزەڭى 125 ملن اقش دوللارىنا باعالاندى.
قازاقستانعا ءىرى ينۆەستيتسيا تارتۋ جايىندا ءسوز قوزعالعاندا, ادەتتە, حالىقارالىق كورپوراتسيالار مەن شيكىزات الپاۋىتتارى ەسكە تۇسەدى. الايدا مۇنداي مامىلەلەردىڭ ارتىندا جەرگىلىكتى باستامانى جاھاندىق كاپيتالمەن ۇشتاستىرا الاتىن ادامدار مەن كومپانيالار تۇرادى.
ايعازى قۇسايىنوۆتىڭ قىتايلىق Lygend Resources & Technology Co., Ltd. كورپوراتسياسىمەن سەرىكتەستىگى قازاقستاندىق بيزنەستىڭ شەتەلدىك ينۆەستيتسيالاردى تارتا وتىرىپ, باقىلاۋ مەن ستراتەگيالىق باستامانى ساقتاي الاتىنىنىڭ ايقىن مىسالى.
ەكى جىل بۇرىن ايعازى قۇسايىنوۆ مامىلەنىڭ اشىق قۇرىلىمىن قالىپتاستىرىپ, دامۋ ستراتەگياسىن ايقىنداۋعا كومەكتەسەتىن سەنىمدى ينۆەستيتسيالىق كەڭەسشى ىزدەدى. بۇل مىندەتتى Investbanq كومانداسى ءوز موينىنا الدى.
«قازاقستانعا تەك تەحنولوگيالار ەمەس, كاپيتال مەن سەنىم قالىپتاستىراتىن جۇيەلەر قاجەت ەكەنىن ءاردايىم تۇسىندىك. ول ءۇشىن ينۆەستورلارمەن ءبىر تىلدە سويلەپ, ونجىلدىقتارعا ارنالعان كەلەشەكتى كورسەتە ءبىلۋ اسا ماڭىزدى. Investbanq تەك الەمدىك دەڭگەيدەگى جوعارى كاسىبي كومپانيا عانا ەمەس, وسى فيلوسوفيانى تولىق بولىسەتىن سەرىكتەس», دەدى ايعازى قۇسايىنوۆ.
ازيا ايماعىنداعى كەڭىنەن تانىلعان تاجىريبەسىنىڭ ارقاسىندا Investbanq قىتايلىق ميللياردەر ءارى نيكەل سالاسىنىڭ ءىرى ويىنشىسى تساي تسزيانيۋن باسقاراتىن Lygend Resources كومپانياسىمەن بايلانىس ورناتتى. نيكەل مەن مىستى ءوندىرۋ جانە وڭدەۋگە ماماندانعان كومپانيا ءۇشىن قازاقستان ورتالىق ازيا نارىعىنا شىعۋدىڭ ءتيىمدى نۇكتەسىنە اينالدى.
كەلىسسوزدەر ناتيجەسىندە Lygend Resources Verum Mining كومپانياسىنىڭ ءبىر بولىمشەسىنە ينۆەستيتسيا قۇيدى, سونداي-اق Silk Road بىرلەسكەن كاسىپورنى قۇرىلدى. بۇل وسى سالاداعى سوڭعى جىلدار اياسىنداعى ەڭ ءىرى ءارى ماڭىزدى مامىلەلەردىڭ بىرىنە جاتادى.
مامىلەنىڭ العاشقى كەزەڭى 125 ملن دوللارعا باعالاندى. قىتايلىق تاراپ باقىلاۋشى ۇلەسكە يە بولسا, قازاقستاندىق تاراپ سينگاپۋرلىق Verum Group حولدينگى ارقىلى 48,5 پايىز ۇلەسىن ساقتاپ قالدى.
«باستاپقىدا Investbanq قارجىلىق كەڭەسشى رەتىندە قاتىسقانىمەن, كەيىن مامىلەنىڭ تولىققاندى ارحيتەكتورى دەڭگەيىنە كوتەرىلدى. كوماندا ينۆەستيتسيالىق مودەل ازىرلەپ, قارجىلاندىرۋ ستسەناريلەرىن ەسەپتەدى جانە قازاقستان مەن قىتايداعى بيزنەس جۇرگىزۋ تاسىلدەرىنىڭ مادەني ەرەكشەلىكتەرىن ەسكەرە وتىرىپ, سەرىكتەستىكتى قۇرىلىمداۋعا, قۇقىقتىق اشىقتىقتى قامتاماسىز ەتۋگە جانە تاراپتار اراسىنداعى سەنىمدى نىعايتۋعا اتسالىستى. «بۇل وڭتۇستىك-شىعىس ازيا مەن ورتالىق ازيادا بيزنەس جۇرگىزۋدەگى كوپجىلدىق تاجىريبەنىڭ ارقاسىندا مۇمكىن بولدى. مۇنداي مامىلەلەردە ءارتاراپتى ءارى اۋقىمدى تاجىريبە دە ەرەكشە ءرول اتقارادى», دەدى Investbanq كومپانياسىنىڭ سوو-سى تالعات قانتاەۆ.
«قىتايلىق ينۆەستورلار ءۇشىن باستى قۇندىلىق – سەنىم مەن ستراتەگيالىق بولاشاق. سوندىقتان بۇل مامىلەدە نەگىزىن قالاۋشى مەن كوماندانىڭ سەنىمدىلىگىنە جانە اكتيۆتىڭ ءوسۋ الەۋەتىنە باسا ءمان بەردىك. بۇگىندە Investbanq – تەك تسيفرلىق شەشىمدەر ۇسىناتىن پلاتفورما عانا ەمەس, بيزنەس پەن ينۆەستورلاردىڭ مۇددەلەرى توعىساتىن ورتا. مۇنداي مامىلەلەر Investbanq الداعى ۋاقىتتا قالىپتاستىرا الاتىن بىرەگەي ەكوجۇيەلىك مۇمكىندىكتەردىڭ باستاماسى عانا», دەيدى Investbanq باس ديرەكتورى ولجاس جيەنقۇل.
وسى مامىلە Investbanq ءۇشىن ءبىر عانا جوبا ەمەس, كومپانيا دامىتىپ جاتقان ەكوجۇيەلىك باعىتتىڭ ناقتى ناتيجەگە اينالعانىن كورسەتەدى. Astana Hub قاتىسۋشىسى رەتىندە Investbanq وتباسىلىق كەڭسەلەرگە, بانكتەر مەن باسقارۋشى كومپانيالارعا ارنالعان جي-نەگىزدى SaaS-شەشىمدەر ارقىلى ينۆەستيتسيالىق پروتسەستەردى اۆتوماتتاندىرىپ, دەرەكتەر تالداۋى مەن كليەنتپەن جۇمىستى ءبىر تسيفرلىق ورتاعا بىرىكتىرەدى. ەندىگى ماقسات – وڭتۇستىك-شىعىس ازيا, MENA جانە ورتالىق ازيا اراسىنداعى كاپيتال اعىمىن جۇيەلى ارناعا ءتۇسىرىپ, قازاقستاندىق باستامالاردىڭ حالىقارالىق ينۆەستورلارمەن ءتيىمدى ءارى اشىق فورماتتا توعىسۋىنا جول اشۋ.
