فوتو: عىلىم جانە جوعارى ءبىلىم مينيسترلىگى
سونداي-اق جاس عالىم تسيكوري قۇرامىندا ادام اعزاسىندا سترەسس اسەرىنەن پايدا بولاتىن راديكالدارعا قارسى انتيوكسيدانتتىق بەلسەندىلىگى بار ەكەنىن دە دايەكتەدى. بۇل وسىمدىكتىڭ دەنساۋلىقتى نىعايتۋداعى الەۋەتى جوعارى ەكەنىن كورسەتەدى.
عالىمنىڭ ايتۋىنشا, قازىرگى تاڭدا اتالعان عىلىمي جوبا اياسىندا حالىقارالىق عىلىمي جۋرنالداردا ەكى ماقالا جاريالانعان.
ء«بىز ەمدىك قاسيەتى بار وسىمدىكتەر ارقىلى ادام اعزاسىندا ءجيى كەزدەسەتىن اۋرۋلارعا قارسى بيولوگيالىق بەلسەندى قوسپالار ازىرلەۋدى ماقسات ەتەمىز. قازىرگى ۋاقىتتا تسيكوري وسىمدىگىنىڭ فيتوحيميالىق جانە فارماكولوگيالىق قاسيەتتەرىن زەرتتەپ جاتىرمىز. بۇگىنگە دەيىن ونىڭ ديابەتكە جانە سترەسكە قارسى بەلسەندىلىگى انىقتالدى. الداعى ۋاقىتتا ۆيرۋستار مەن باكتەريالارعا, سونىڭ ىشىندە تۇماۋ اۋرۋىنا قارسى اسەرىن زەرتتەۋدى جوسپارلاپ وتىرمىز», دەيدى ايجامال بايسەيىتوۆا.
اتالعان يننوۆاتسيالىق جوبا بويىنشا قازۇۋ عالىمدارى پاتەنت العان. بولاشاقتا تسيكوري نەگىزىندە دايىندالعان ونىمدەر بيولوگيالىق بەلسەندى قوسپا جانە ەمدىك شاي رەتىندە ءوندىرىلىپ, وتاندىق نارىققا شىعارۋ جوسپارلانعان.
ايجامال بايسەيىتوۆا ءال-فارابي اتىنداعى قازۇۋ-دىڭ حيميا جانە حيميالىق تەحنولوگيا فاكۋلتەتىندە ءدارىس بەرەدى. سونىمەن قاتار ۋنيۆەرسيتەت جانىنداعى دارىلىك وسىمدىكتەردى عىلىمي-زەرتتەۋ ورتالىعىندا قىزمەت اتقارادى. ول وڭتۇستىك كورەياداعى كيونسان ۇلتتىق ۋنيۆەرسيتەتىندە ماگيستراتۋرا مەن دوكتورانتۋرادا ءبىلىم الىپ, دوكتورلىق دارەجەسىن ءساتتى قورعاعان.
