InfoResist
زەلەنسكي جۋرناليستەرگە ترامپتىڭ فلوريداداعى رەزيدەنتسياسىندا وتەتىن كەزدەسۋدە دونباسس ايماعىنىڭ تاعدىرىن, زاپوروجە اتوم ەلەكتر ستانتسياسىنىڭ بولاشاعىن جانە وزگە دە بىرقاتار ماسەلەنى تالقىلاۋدى جوسپارلاپ وتىرعانىن ايتتى.
– ماسكەۋ بىرنەشە رەت ۋكراينانىڭ بۇكىل دونباسس اۋماعىن, سونىڭ ىشىندە ءالى دە كيەۆتىڭ باقىلاۋىندا تۇرعان جەرلەردى بەرۋدى تالاپ ەتكەن. سونىمەن قاتار رەسەيلىك رەسمي تۇلعالار سوڭعى ۇسىنىستىڭ وزگە دە تارماقتارىنا قارسىلىق ءبىلدىرىپ وتىر. سوندىقتان جەكسەنبى كۇنى وتەتىن كەلىسسوز ناتيجەلەرىن رەسەي پرەزيدەنتى ۆلاديمير پۋتين ماقۇلداي ما, جوق پا, ازىرشە بەلگىسىز, – دەپ جازادى Reuters.
Axios مالىمەتىنشە, اقش شەنەۋنىكتەرى زەلەنسكيدىڭ رەفەرەندۋم وتكىزۋگە دايىن ەكەنىن ايتارلىقتاي العا جىلجۋ جانە اۋماقتىق ىمىرالارعا اشىقتىعىنىڭ بەلگىسى دەپ ەسەپتەيدى. الايدا زەلەنسكيدىڭ ايتۋىنشا, مۇنداي داۋىس بەرۋدى دايىنداپ, وتكىزۋ ءۇشىن رەسەي 60 كۇندىك اتىستى توقتاتۋعا كەلىسۋگە ءتيىس. كەيىنگى ساۋالنامالار ۋكراينالىق سايلاۋشىلاردىڭ بۇل جوسپاردى دا قابىلداماۋى مۇمكىن ەكەنىن كورسەتىپ وتىر.
