2025 جىلعى 31 جەلتوقسان جۇمىس كۇنىنە سايكەس كەلەدى. ال جاڭا جىلعا بايلانىستى 1 جانە 2 قاڭتار – رەسمي مەرەكە كۇندەرى بولىپ سانالادى.
3 جانە 4 قاڭتار سەنبى مەن جەكسەنبىگە تۇسەتىندىكتەن, بەس كۇندىك جۇمىس اپتاسىندا ىستەيتىن ازاماتتار ءۇشىن 1-4 قاڭتار ارالىعىندا ءتورت كۇن قاتارىنان دەمالىس بەرىلەدى. ال التى كۇندىك جۇمىس اپتاسىندا دەمالىس كۇندەرىنىڭ سانى ءۇش كۇنمەن شەكتەلەدى.
5 جانە 6 قاڭتار – جۇمىس كۇندەرى. 7 قاڭتاردا پراۆوسلاۆ روجدەستۆوسىنا بايلانىستى قوسىمشا دەمالىس كۇنى بەلگىلەنگەن.
وسىلايشا, 2026 جىلعى قاڭتاردا قازاقستان تۇرعىندارى بەس رەسمي مەرەكە كۇنىنە جانە بەس كۇندىك جۇمىس اپتاسىندا قوسىمشا جەتى دەمالىس كۇنىنە يە بولادى.
بۇل كۇنتىزبە قاڭتار ايىندا قىسقا ساپارلار جوسپارلاۋعا, وتباسىمەن ۋاقىت وتكىزۋگە جانە قىسقى دەمالىستى ءتيىمدى ۇيىمداستىرۋعا مۇمكىندىك بەرەدى.
