فوتو: اشىق دەرەككوز
سوت شەشىمىمەن ايىپتالۋشىعا 200 ساعات قوعامدىق جۇمىس جازاسى تاعايىندالدى.
سوتتا انىقتالعانداي, 5 قىركۇيەك كۇنى ازامات ك. جابىرلەنۋشىنىڭ ۇيىنە كەلىپ, كىرەبەرىس ەسىكتى جۇلقىلاپ, تەرەزەنى قاققاننان كەيىن وقيعا ورنىنان كەتىپ قالعان. كەيىن ايەلدىڭ قوزعالىسىن باقىلاۋ ماقساتىندا ول «2گيس» قوسىمشاسى ارقىلى جابىرلەنۋشىنىڭ كامەلەتكە تولماعان بالالارىنىڭ تەلەفون نومىرلەرىنە «دوستىق» سۇراۋىن جىبەرىپ, ۇلىنىڭ جۇرگەن جەرىن باقىلاۋعا مۇمكىندىك العان.
ەكى اپتادان سوڭ ماس كۇيدە ايىپتالۋشى جابىرلەنۋشىنىڭ ۇيىنە قايتا كەلىپ, اشىق تۇرعان اۋلاعا كىرىپ, تەرەزەلەرگە ۇڭىلگەن. بۇل ارەكەتتەر جابىرلەنۋشىنىڭ ەركىنەن تىس جاسالعان جانە كۇش قولدانۋسىز جۇزەگە اسقان.
العاشىندا پوليتسيا بۇل وقيعا بويىنشا اكىمشىلىك قۇقىق بۇزۋشىلىق تۋرالى كودەكستىڭ 434-بابى («ۇساق بۇزاقىلىق») بويىنشا حاتتاما تولتىرىپ, سوت 60 ساعات قوعامدىق جۇمىس جازاسىن تاعايىنداعان. الايدا جابىرلەنۋشى تاراپ قوسىمشا دالەلدەر ۇسىنعاننان كەيىن ءىس قىلمىستىق ءىس رەتىندە قايتا تىركەلگەن.
قىلمىستىق پروتسەستە پروكۋرور ايىپتالۋشىعا 200 ساعات قوعامدىق جۇمىس جازاسىن تاعايىنداۋدى سۇرادى. جابىرلەنۋشى نەعۇرلىم قاتاڭ جازا قولدانۋدى تالاپ ەتىپ, مورالدىق زياندى وتەۋ تۋرالى ازاماتتىق تالاپ-ارىز بەردى. ايىپتالۋشى ءوز كىناسىن ءىشىنارا مويىندادى.
سوت جابىرلەنۋشى مەن كۋالاردىڭ ايعاقتارى, وقيعا ورنىنان الىنعان بەينەجازبالار جانە وزگە دە ماتەريالدار نەگىزىندە ايىپتالۋشىنىڭ كىناسى دالەلدەندى دەپ تانىدى. ەر ادامنىڭ ارەكەتى ەلەۋلى زيان كەلتىرگەن زاڭسىز اڭدۋ رەتىندە سارالاندى.
ناتيجەسىندە سوت ازامات ك.-نى كىنالى دەپ تانىپ, 200 ساعات قوعامدىق جۇمىس جازاسىن تاعايىندادى. سونداي-اق ودان جابىرلەنۋشىنىڭ مورالدىق زيانى ءۇشىن 400 مىڭ تەڭگە جانە وكىل قىزمەتىنە جۇمسالعان شىعىندى وتەۋ ءۇشىن 200 مىڭ تەڭگە ءوندىرىلدى.
