ەلوردادا جانە ەلىمىزدىڭ باسقا قالالارىندا مەرەكە قارساڭىندا سان الۋان ءىس-شارالار ۇيىمداستىرىلادى. ساحنالاردا سۇيىكتى ورىنداۋشىلاردىڭ كونتسەرتتەرى وتسە, تەاترلار مەن مادەني ورتالىقتار مەرەكەلىك قويىلىمدار ۇسىنىپ, بالالارعا ارنالعان ويىندار, اتتراكتسيوندار جانە ءارتۇرلى قىزىقتى باعدارلامالار ۇيىمداستىرىلادى.
استانانىڭ التى اۋدانىندا 34-تەن استام لوكاتسيادا مۇز ايدىندارى, ءتۇرلى-ءتۇستى فوتوايماقتار جانە شاعىن ساۋلەتتىك فورمالار ورناتىلعان. جالپى قالا بويىنشا 57 سىرعاناق پەن مۇز ايدىنى بار.
سارىارقا اۋدانىندا 12 سىرعاناق پەن 4 مۇز ايدىنى بار. قالالىق الاڭدا ۇلكەن سىرعاناق پەن مۇز ايدىنى ورناتىلىپ, مەرەكەلىك فوتوسۋرەتتەرگە ارنالعان تاقىرىپتىق ايماقتار مەن شىنايى شىرشا قويىلعان. بوگەنباي باتىر داڭعىلىنداعى گۇلزاردا ورتاسىندا ۇلكەن شىرشاسى بار مۇز ايدىنى اشىلدى. «كوكتال» ساياباعىندا ءارتۇرلى جاس ساناتىنا ارنالعان ەكى سىرعاناق پەن جاپپاي سىرعاناۋعا ارنالعان ۇلكەن مۇز ايدىنى بار.
بايقوڭىر اۋدانىندا نەگىزگى ويىن-ساۋىق نىساندارى «جاستار» سارايىنىڭ اۋماعىندا ورنالاسقان. مۇندا مۇز ايدىنى, سىرعاناق جانە جاڭا جىلدىق شىرشا قويىلعان. ج.تاشەنەۆ كوشەسىندەگى اتاتۇرىك اتىنداعى ساياباقتا مۇز ايدىنى مەن سىرعاناق بار. اباي داڭعىلىنداعى «قالامگەرلەر اللەياسىندا» سىرعاناق, شىرشالار, جاڭا جىلدىق ينستاللياتسيالار مەن شاعىن ساۋلەتتىك فورمالار ورناتىلعان.
ەسىل اۋدانىندا قىسقى سەرۋەننىڭ باستى ورتالىعى ءداستۇرلى تۇردە ەكسپو اۋماعى بولىپ وتىر. مۇندا مۇز ايدىنى, سىرعاناق جانە مەرەكەلىك شىرشا قويىلعان. سونداي-اق پريگورودنىي جانە «باعىستان» تۇرعىن الاپتارىندا سىرعاناقتار جۇمىس ىستەيدى. جاڭا جىلدىق شىرشالار تۇركىستان كوشەسى جاعىنداعى بوتانيكالىق باقتا, قازاق راديوسى كوشەسىنىڭ بويىندا, دوستىق كوشەسى مەن نۇرجول بۋلۆارىنىڭ قيىلىسىنداعى جاڭا سكۆەردە بەزەندىرىلگەن. «جەتىسۋ» ساياباعىندا سىرعاناق پەن شىرشا ورناتىلعان.
الماتى اۋدانىندا قىسقى دەمالىسقا ارنالعان بىرنەشە ورىن ۇيىمداستىرىلعان. «Sana» سپورت كەشەنىنىڭ ارتىنداعى اقبۇلاق وزەنىنىڭ جاعالاۋىندا مۇز ايدىنى مەن سىرعاناق جۇمىس ىستەيدى. «جەرۇيىق» ساياباعىندا دا سىرعاناق پەن مۇز ايدىنى پايدالانۋعا بەرىلگەن.
سارايشىق اۋدانىندا سىرعاناقتار, مۇز ايدىندارى مەن ءارتۇرلى بيىكتىكتەگى شىرشالار «قازاق ەلى» الاڭىندا, پرەزيدەنت ساياباعىندا, جۇمىسشى ماماندىقتارى اللەياسىندا جانە «نۇرلى جول» تەمىرجول ۆوكزالى اۋماعىندا ورنالاستىرىلعان.
نۇرا اۋدانىندا تاقىرىپتىق شاعىن ساۋلەتتىك فورمالار قويىلىپ, فوتوايماقتار بەزەندىرىلگەن. سونداي-اق ءتورت مۇز ايدىنى جۇمىس ىستەيدى:
- ۇزىندىعى 213 مەتر بولاتىن شەڭبەرلى مۇز ايدىنى ورتالىق ساياباقتا;
- «استانا-ارەنا» ستاديونى اۋماعىندا;
- «عاشىقتار» ساياباعىندا;
- ۇركەر تۇرعىن الابىندا.
بۇدان بولەك, ورتالىق ساياباقتا, «بۋحارەست» ساياباعىندا, «استانا-ارەنا» اۋماعىندا جانە ۇركەر تۇرعىن الابىندا ءتورت مۇز سىرعاناعى بار.
ال, الماتى قالاسىنداعى ءىس-شارالار كەلەسىدەي:
31 جەلتوقساندا استانا الاڭىندا ساعات 18:00-دەن 00:30-عا دەيىن باستى جاڭا جىلدىق كونتسەرت وتەدى. كونتسەرتتە ماقپال يسابەكوۆا, الىشەر كاريموۆ, اقىلبەك جەمەنەي, بەيبىت قورعان, Ringo توبى, Ninety One توبى, Ayree, Astra توبى, Dakelot, داۋلەت جانبولات سىندى تانىمال ەسترادا جۇلدىزدارى ونەر كورسەتەدى. كونتسەرتتىڭ ەرەكشە ءبولىمى – DJ BATTLE. بۇل جەردە ديدجەيلەر جاڭا جىلدىق اۋەندەر مەن تانىمال حيتتەردى زاماناۋي ارلەۋدە ورىنداپ, كەشكە ەرەكشە ديناميكا مەن اتموسفەرا سىيلايدى.
قازاق مەملەكەتتىك تسيركىندە 11 قاڭتارعا دەيىن «CHRISTMAS STARS» اتتى جاڭا جىلدىق شوۋ-پرەمەرا كورسەتىلەدى. بۇل قويىلىم مەيىرىم, دوستىق پەن عاجايىپقا تولى سيۋجەتكە قۇرىلعان جانە ەرەسەكتەر مەن بالالارعا ارنالعان. باعدارلامادا قولعا ۇيرەتىلگەن ەكزوتيكالىق قۇستار مەن جانۋارلار – توتىقۇستار, شيمپانزەلەر, اتتار, شاعىن تۇقىمدى يتتەر جانە ايۋ قىزى يانا ونەر كورسەتەدى.
29 جەلتوقسان مەن 4 قاڭتار ارالىعىندا مەملەكەتتىك قۋىرشاق تەاترىندا «مۋلتي جاڭا جىل» اتتى مەرەكەلىك ويىن-ساۋىق باعدارلاماسى وتەدى. بالالار ءتۇرلى عالامدارعا ساياحات جاساپ, ليلو مەن ستيچ, ەش پەن پيكاچۋ, كيكي مەن نارۋتو سياقتى تانىمال كەيىپكەرلەرمەن تانىسىپ, مەيىرىمدى اياز اتانىڭ كومەگىمەن ەرتەگىلەر الەمىنە جول تارتادى.
سونىمەن قاتار, قالانىڭ 8 اۋدانىندا ارنايى بەزەندىرىلگەن ورىنداردا كۇن سايىن اياز اتا مەن ەرتەگى كەيىپكەرلەر قاتىساتىن مەرەكەلىك كونتسەرتتەر, ويىن-ساۋىق باعدارلامالارى مەن ينتەراكتيۆتى ويىندار وتەدى.
ايتا كەتەيىك, 19 جەلتوقسان كۇنى استانادا ءبىر مەزەتتە 40-تان استام جاڭا جىلدىق شىرشانىڭ شامى جاعىلدى. قالانىڭ بارلىق اۋدانىندا مۇز ايدىندارى, سىرعاناقتار, فوتوايماقتار, شاعىن ساۋلەت نىساندارى, جارمەڭكەلەر جانە كونتسەرتتىك باعدارلامالار ۇيىمداستىرىلدى.
وسىلايشا, جاڭا جىل مەرەكەسى قالا تۇرعىندارى ءۇشىن تەك كوڭىل كوتەرۋ عانا ەمەس, سونىمەن قاتار دوستارىمەن, وتباسى مۇشەلەرىمەن بىرگە ەستە قالارلىق ساتتەردى وتكىزۋگە تاپتىرماس مۇمكىندىك.
