وڭىرلىك باسەكەلەستىكتى قورعاۋ جانە دامىتۋ دەپارتامەنتىنىڭ حابارلاۋىنشا, ءتاريفتىڭ ايتارلىقتاي وسكەنىنە ەكىباستۇزدىق تۇتىنۋشىلاردىڭ وزدەرى شاعىمدانعان. 2025 جىلدىڭ مامىر ايىندا ابونەنتتەر ءۇشىن دوموفون كومپانياسىنىڭ قىزمەتى بىردەن 150 تەڭگەگە ءوسىپ, 700 تەڭگە بولعان. دوموفوندارعا تەحنيكالىق قىزمەت كورسەتۋدىڭ جاڭا مولشەرلەمەسى پاۆلودار وبلىسى بويىنشا ەڭ جوعارى تاريف ەكەنىن انىقتالىپ وتىر.
– قانداي دا ءبىر شارا قولدانباس بۇرىن, ءبىز جەكە كاسىپكەردىڭ نارىقتا شىنىمەن ۇستەم جاعدايعا يە ەكەنىنە كوز جەتكىزۋىمىز كەرەك بولدى. ول ءۇشىن نارىققا تالداۋ جاساپ, تەرگەۋگە شىقتىق. ءراسىم بارىسىندا قىزمەت بەرۋشىدە ءتاريفتى كوتەرۋگە ءماجبۇر ەتەتىندەي جاعدايلار تىركەلمەدى. تەرگەۋ قورىتىندىسى بويىنشا ول 6 ملن تەڭگەگە جۋىق نەگىزسىز مونوپوليالىق تابىس تاپقانى انىقتالدى, - دەيدى دەپارتامەنتتىڭ تەرگەۋ ءبولىمىنىڭ باسشىسى ءاليا تۇرسىنباەۆا.
قازىرگى ۋاقىتتا جەكە كاسىپكەر مونوپولياعا قارسى قىزمەتتىڭ تەرگەۋ قورىتىندىسى بويىنشا شىعارعان شەشىمىنە سوتقا شاعىم تۇسىرگەن.
پاۆلودار وبلىسى
