ەلوردادا جۇمىسشى ماماندىقتار جىلىنىڭ رەسمي جابىلۋ ءراسىمى ءوتتى. ءىس-شارا بارىسىندا كوللەدجدەردىڭ نەگىزگى جەتىستىكتەرى مەن باستامالارى, جۇمىس بەرۋشىلەرمەن بىرلەسكەن كاسىبي ءبىلىم بەرۋدى دامىتۋ جانە جۇمىسشى ماماندىقتارىنىڭ بەدەلىن ارتتىرۋ باعىتىنداعى ناتيجەلەر تانىستىرىلدى.
سونىمەن قاتار كاسىبي ءبىلىم بەرۋ سالاسىنىڭ دامۋىنا ەلەۋلى ۇلەس قوسقان ازاماتتاردى ماراپاتتاۋ ءراسىمى ءوتتى.
وسى ايتۋلى وقيعاعا وراي ەلوردانىڭ ءبىلىم باسقارماسى فلەشموب ۇيىمداستىرىپ, وعان جۇمىسشى ماماندىقتار بويىنشا ءبىلىم الىپ جاتقان كوللەدجدەردىڭ 2 000-نان استام ستۋدەنتى قاتىستى. اتاپ ايتقاندا, اسپازدار, بارمەندەر, تىگىنشىلەر, سلەسارلار مەن ەلەكترمونتاجشىلار اكتسياعا بەلسەنە اتسالىستى.
قاتىسۋشىلار ارنايى وسى ءىس-شارا ءۇشىن جازىلعان «جۇرەك قالاۋى» ءانىن ورىندادى. بۇل ءان الداعى ۋاقىتتا جۇمىسشى ماماندىقتارى بويىنشا ءبىلىم الىپ جاتقان بارلىق ستۋدەنتتىڭ ورتاق ءانۇرانىنا اينالادى.
