فوتو جي كومەگىمەن جاسالعان
ەلىمىزدىڭ اتوم ەنەرگياسى جونىندەگى اگەنتتىگى مەن جاپونيانىڭ اتوم ەنەرگياسى جونىندەگى اگەنتتىگى جوعارى تەمپەراتۋرالى گازبەن سالقىنداتىلاتىن رەاكتورلار سالاسىنداعى زەرتتەۋلەر مەن ازىرلەمەلەرگە قاتىستى, سونداي-اق قولدانبالى زەرتتەۋلەردى دامىتۋعا ارنالعان ىنتىماقتاستىق تۋرالى مەموراندۋمدار جاساستى. بۇل قۇجاتتار اتوم ەنەرگەتيكاسىنىڭ وزىق تەحنولوگيالارىن يگەرۋ مەن قاۋىپسىزدىكتى ارتتىرۋعا نەگىز بولادى.
بۇعان قوسا ەلىمىزدىڭ ۇلتتىق يادرولىق ورتالىعى جاپوندىق بىرقاتار عىلىمي جانە وندىرىستىك قۇرىلىمدارمەن ءوزارا تۇسىنىستىك تۋرالى مەموراندۋمعا قول قويدى. انىعىندا Marubeni Utility Services Ltd. كومپانياسىمەن عىلىمي بايلانىستاردى كەڭەيتۋ, Muroosystems Corporation كومپانياسىمەن پايدالانىلعان يادرولىق وتىن مەن راديواكتيۆتى قالدىقتارمەن جۇمىس ىستەۋ سالاسىنداعى ىنتىماقتاستىقتى دامىتۋ كوزدەلگەن. سونداي-اق فۋكۋي ۋنيۆەرسيتەتىنىڭ يادرولىق ينجەنەريا عىلىمي-زەرتتەۋ ينستيتۋتىمەن اتوم ەنەرگياسىن بەيبىت ماقساتتا پايدالانۋ باعىتىنداعى عىلىمي-زەرتتەۋ مەن تاجىريبەلىك-كونسترۋكتورلىق جۇمىستاردى بىرلەسىپ جۇرگىزۋ جونىندە ۋاعدالاستىققا قول جەتكىزىلدى.
جاپونيا الەمدەگى ەڭ ءىرى اەس-ءتى ىسكە قوسۋ تۋرالى شەشىم قابىلدادى
بۇدان بولەك, يادرولىق فيزيكا ينستيتۋتى, جاپونيانىڭ اتوم ەنەرگياسى جونىندەگى اگەنتتىگى مەن Marubeni Utility Services Ltd. اراسىندا جوعارى تەمپەراتۋرالى گازبەن سالقىنداتىلاتىن رەاكتور وتىنىن ساۋلەلەندىرۋ سىناقتارىن جۇرگىزۋدىڭ تەحنيكالىق-ەكونوميكالىق نەگىزدەمەسىن ازىرلەۋگە ارنالعان كوممەرتسيالىق شارت جاسالدى. بۇل قادام سالاداعى ناقتى جوبالاردى ىسكە اسىرۋعا جول اشادى.
قول قويىلعان قۇجاتتار قازاقستان مەن جاپونيا اراسىنداعى اتوم ەنەرگياسىن بەيبىت ماقساتتا پايدالانۋ, عىلىمي-تەحنولوگيالىق زەرتتەۋلەر مەن يننوۆاتسيالىق ازىرلەمەلەر سالاسىنداعى ستراتەگيالىق سەرىكتەستىكتىڭ نىعايىپ كەلە جاتقانىن ايعاقتايدى. سونداي-اق ەكى ەلدىڭ ءوزارا سەنىمگە نەگىزدەلگەن بايلانىسىن جاڭا دەڭگەيگە كوتەرىپ, ۇزاقمەرزىمدى ءارى ورنىقتى ىنتىماقتاستىققا بەرىك نەگىز قالايدى.
