قالا اكىمىنىڭ ورىنباسارى مەيىرجان مۇقاسوۆتىڭ پىكىرىنشە, وڭىردە ەرلىگى ۇمىتىلماس ەرەن جاندار بار. وسىنداي ەسىمدەرى ەل ەسىندە ساقتالۋعا ءتيىس ءبىرتۋار پەرزەنتتەرىمىزدى جاس ۇرپاق ءبىلۋى قاجەت.
ەسىمى ەل جادىنان وشپەيتىن جاننىڭ ءبىرى – حالىق قاھارمانى حيۋاز دوسپانوۆا. وسى كەزگە دەيىن باتىر ۇشقىشتىڭ اتىمەن «سمپ-163» شاعىن اۋدانىنداعى شاعىن كوشە اتالعان ەدى. ەندى قاھارماننىڭ ەسىمى باسقا كوشەگە بەرىلدى.
«حالىق قاھارمانى حيۋاز دوسپانوۆانىڭ ەسىمى بەرىلگەن لۋگوۆايا كوشەسىنىڭ ۇزىندىعى شامامەن ءبىر شاقىرىمعا سوزىلادى. بۇل كوشە «اۆانگارد» تۇرعىن الابىنىڭ 2 جانە 4-شاعىن اۋدانىنىڭ ارالىعىمەن ءوتىپ, «مەرەي» بازارىنان «جەڭىس» ساياباعىنا قاراي سوزىلىپ جاتىر», دەپ حابارلادى م.مۇقاسوۆ.
تاعى ءبىر مايدانگەر – اتىراۋ وبلىسىنىڭ قۇرمەتتى ازاماتى ورىنعالي قاراساەۆ. قيىر شىعىستا 13-تەڭىز اتقىشتار بريگاداسىنىڭ تانك پولكىندە جاۋعا قارسى شايقاستى. ەلگە 1947 جىلى عانا ورالعان. بەيبىت ومىردە وڭىرلىك دەڭگەيدە باسشىلىق قىزمەتتى اتقارىپ, وبلىستىق ارداگەرلەر كەڭەسىن باسقاردى. ەندى «سامال» شاعىن اۋدانىنداعى №2 وتكەل مايدانگەردىڭ اتىمەن اتالعان كوشەگە اينالدى.
اكىم ورىنباسارىنىڭ دەرەگىنە سۇيەنسەك, قىزمەتتىك مىندەتىن اتقارۋ كەزىندە قازا تاپقان ەكى پوليتسەيدىڭ ەسىمىن №14 جانە 15-وتكەلگە بەرۋ ۇيعارىلىپتى. ەندى قوس وتكەل اتاۋى بار كوشەلەر قاتارىن تولىقتىردى.
«قازا تاپقان ءتارتىپ ساقشىسى شالقار اقىمعاليەۆ جول-پاترۋلدىك پوليتسيا باتالونىندا قىزمەت اتقاردى. ول 2019 جىلى جايىق وزەنىنە باتىپ بارا جاتقان قىزدى قۇتقارۋ كەزىندە قازا تاپتى. ال كىشى سەرجانت نۇربەرگەن وتەمىسوۆ كەزەكشىلىك كەزىندە قاشىپ بارا جاتقان قۇقىق بۇزۋشىنىڭ كولىگىن توقتاتپاق بولعان. سول كەزدە اۆتوكولىك قاعىپ كەتىپ, العان جاراقاتى سالدارىنان كوز جۇمدى», دەپ ءمالىم ەتتى م.مۇقاسوۆ.
اتىراۋ وبلىسى
